سؤال عن مدينة الملك فهد الطبيه بالرياض

الا والله صارو عله مب بس واسطه والا جامده بعد لاتفكرين تروحين وقت الولاده بيرجعونك لازم فتح ملف وغثيثين نظامهم جديد الحين في فتح الملف لازم تروحين لأهلية العلاج وتجيبين تقرير من مستشفى او مركز صحي ( حكومي) مايقبلون خاص واهليه العلاج عاد يحددون يقبلون حالتك او لا ،،، رحت لهم طوارئ مره معي نزيف رغم اني والده قبل عنذهم ٢ طبيعي يعني عندي ملف ورفضو يسوون لي شي او تصرف لي شي الا بمتابعه عندهم ،، بس كشفت وقالت فيك وفيك وخلاص طيب اكتبي لي شي قالت لازم تفتحين ملفك ثانيه


http://tickers.babygaga.com/p/dev359pp___.png

رفع
الله يسهل امرك

صادقه اختي حبيبة زوجها انا فتحت ملف بالواسطه بس يوم شفت تعاملهم بالطواري تركتهم تخيلي وحده جايه تولد والويات تصب منها وتصارخ مسكينه بس علشان ماعندها ملف رجعوها وحالتها حاله وحده ثانيه تطلق وبتموت من الوجع كان مبين على وجهها وتقول دخلوني وعيو يقولون زحمه مافي مكان اذا فضى سرير كشف ندخلك وتخيلي اول مادخلوها على الكشف ولادت بغرفه الكشف وحنا بالانتظار نسمع صوت الطفل وروحي ادخلي على الطواري عندهم قبل تفكرين تولدين شوفي التعامل والنفس الخايسة من الممرضات وبعدها قرري صراحه هم ماكانو كذا انا ولدت عندهم قبل خمس سنوات وقبل ثمان سنوات كان تعاملهم روعه بس اللحين تغيرو يمكن من الزحمه اللي عليهم يعني تجين الطواري تنتظرين ساعتين ثلاث لين يجي دورك حتى لو انك حاله ولادة وروحي حبيبتي وتاكدي بنفسك انا كان معي نزيف وعندي ملف وحامل وقعدت انتظار ثلاث ساعات واللي شفته بالطواري عندهم خلاني اتركهم

انا ولدت عندهم قبل 5 سنوات كان تعاملهم رووووووعه وما كنت فاتحه ملف ولا شي جيتهم حزة الولاده الله حق ما عندهم احد وكانهم فرحوا يوم شافوني وكشفوا لقوا الرحم مفتووح 7سم وعلى طول ولاده كان حزة عيد وولدني سعودي والطاقم كان اكثر من رووووعه وخياطتهم كانت ممتازه والله اني تدعي للدكتور كل ماتذكرت ولادتي والممرضات ما يفارقوني بصراااحه انصح فيه وبقوه .

بس استغربت من كلامكم عنه الحين يمكن تغير ولادتي كانت 2009

انا يوم جيت بولد عندهم قالت لازم تحويل من مستوصف الحي اذا حالتك حرجه وغير ذلك مانستقبل احد
قلت لهم انا عندي ملف في قسم ثاني قالوا مانستقبل الا اذاكانت حالتك محرجه
الله يغنينا عنهم ولا يحوجنا لهم ياكريم