السلام عليكم ورحمة الله وبركاته
كيفكم اخواتي ... ان شاء الله تكونوا بخير وبأتم الصحه والعافيه
حبيباتي كتبت هالموضوع لحاجتي الماسه لخبرتكم ومساعدتكم .... زوجي بعد العيد حس بخمول وحلل وطلع معه السكر 300. .... ومرة استغرب الدكتور قال ﻻزم تنويم وتأخذ عﻻج ... انا هنا انصدمت صدمة حياتي وخفت عليه وبس اتخيل عيالي بدون ابوهم استغفر الله لعب فيني الوسواس. .. لكن ماقول غير الحمد لله على كل حال ... كل شي من الله زين ..ويمكن خيرة لنا ....
الحين يابنات اللي زوجها معه سكر تدخل تقولي كيف تتعامل مع زوجها وكيف تواجهين المشاكل معه هل تسكتين عنه عشان مايرتفع معه ... كيف عايشين حياتكم ... هل مريض السكري يقدر يسافر ويمسك خط ﻻن شغله كله سفر وخايفه عليه .. كم وجبه ياخذ باليوم وش نوع اﻻكل ؟؟ وش اسم العﻻج وكم مرة باليوم
تكفووون يامشرفات ﻻ تنقلون الموضوع هو يخص الحياة الاسريه
ارجو منكم يابنات ﻻ تتجاهلون موضوعي ابي مساعدتكم ربي يوفقكم ويرزقكم جنة عرضها السموات والأرض ..
.
شاركي في النقاش
سجلي الدخول لإضافة تعليق.
التعليقات
17- السكر مرض العصر ونسبة عاللية اخر احصائية للمصابين بالسكر
الاهم المحافظة على علاجاتة ومريض السكر بسرعه يعصب والسفر الطويل يكثر التبول عنده ولازم
حمية بالاكل والمحافظة على نسبة السكر بمعدللاتها الطبيعية - الله يشفيه ويخليه لكم
حاولي تاخذين لفه بالنت على اعراض ارتفاع السكر وانخفاضه
علشان لا سمح الله حصل له شيء تعرفين وش يحتاج
ثاني حاولي يبعد عن السكريات والنشويات والدهون
اشترواجهاز لقياس السكر
الافضل مايكون لحاله بالخط ...الوجبات تكون كثيره لو قليله مايجوع لازم
العلاج من الطبيب يحدد له الجرعات - الله يشفي جميع مرضى المسلمين
حبيبتي لا تخافي مرض السكر صار مرض ما يخوف
انا زوجي عنده سكر وهو اللي محافظ على نفسه ما يأكل اي شيء فيه سكر صناعي مثل الحلويات والشوكولاطة ....قليل يأكل لحوم حمراء لان نسبة السكر بيها عالية يأكل دجاج وسمك اكثر شيء وخضراوات وفواكه
المشروبات الغازية ممنوعة بس الدايت والحين في أنواع كثيرة بدون سكر بس مو محبدة لان يكون فيها الاسبرتام بدل السكر وهذا بعد له اضرار ثانية مع مرور الزمن
الدهون كذلك لازم تقللي نسبتها والنشويات لان كثرتها ترفع السكر في الدم
ثاني شيء المحافظة على الأدوية وقتها وكميتها سواء كانت حبوب أو إبر
وثالت شيء الرياااااااضة جداً مهمة لحرق السكر واذا زوجك ما يقدر يروح نادي فعليه بس بالمشي ساعة في اليوم
أما عن الحالة النفسية فهي أيضاً كفيلة بارتفاع نسبة السكر أو استقراره
يعني الزعل الكثير أو الاكتئاب أو القلق مهم مريض السكر يتفاداهم
إن شاء الله أكون أفدتك ولو بقليل
والله يشفي مرضى المسلمين أجمعين - جزاكم الله خير اخواتي على الردود ... ام ريتاج ابي اتواصل معك واتس عشان تفيديني اذا ماعندك مانع
انتظر البقيه - مانوع السكر لديه ؟ النوع الأول أم الثاني ؟
مواضيع مشابهة
تابعي تجارب أخرى من هذا القسم.