موقف مضحك

السلام عليكم ..
بمناسبة قرب المدارس ناقله لكم موضوع فرفشه نغير فيه جو المنتدى شوي :-


سنتن من السنين العجاف ايام الإبتدائي زغروني اهلي من النوم (صحوني )للمطرسه 😤 وانا ادخل الحمام ومادري وش طرى علي هاك اليوم وافصخ سريويلي 👖واحطه بالغساله ثمن ادردعه في النشافهمدري وش طارن علي الوكاد انها خمة وياخمة القشر 😩 والبس مريولي وافتح الباب وانطلق اخذ شنطتي و الى رحاب المدرسه يوم اني وصلت ولا ازين ماذكر السروووواااااااال 🙀 ياويل حالي وش اسوي رايحتن للمدرسه بدون سروال ومير تجيني غلقه وراعتن قشراء يادافع البلاء من خوف ان احد يكشفني ويفضحني عاد تخبرن ابتدائي انواع التنجس والتنذل ومير ماعاد اقدر اتراجع وش اقول لأبوي ارجع نسيت سروالي 🙊👖 الوكاد اني عزمت اواجه الموقف وانا لو تشوفون وجهي حرام طفله بريئه هموم الدنيا ع راسها وطول اليوم وانا غادي وجهي تسذا من خوف الكفشه والفضيحه ولازمتن مريولي من خوف لا يطيره الهواء عاد سبحان الله الجو كان عادي ساكن مير احس بهواء يرفع المريول ههههه اللي في بطنه ريح وعاد يوم جت الفسحه ماش منسدتن نفسي عن العيشه من زود الهم ويومي كله واقفه عشان ماجلس وينفتح الدكان 😕 الا وتجيني وحدتن حسبي الله عليها قالت دررررريتن يابنات قلنا وشووو 😬 قالت اليوم فيه تطعيييييييم وانا تغدي بوهتي تسذا😕 مهب وقتس ياحيووووانه 😾 وقعدت اتحلفها ماش البنت متاكده تطعيم يعني تطعيم ياويل حااااالي عاد وش هالتطعيم اللي تسلط علي يوم نسيت سروالي الامحق قلت بالله لو ترفع الحين الدكتوره مريولي قدام البنات ويشوفني بدون سروال قسم بتصير فضيحتي بجلاجل عاد ابتدائيه كممملت 🔪 وطول يومي اهوجس وحالتي حاله احتريهم بس ينادونا للتطعيم الوكاد تمر ال*** الرابعه ثمن الخامسه ثمن السادسه الا ويددددق الجرررررررس 🎊🎋 وانطلدز مثل ذا 🏇🏇🏇🏇 للبيت وعلى طول افتح النشافه والقى سروالي مير والبسه من الفرحه تسني متت ثم حييت والحمدلله محد اكتشف وقلت لاعاده الله من سروال 😅😅😅😅