صباح الورد
على الساعه 2 كان الطلق في أوج وجعه وجا موعد الكشف وعيني على ورقه القياسات اللي بالجدار اقول متى أوصل ل 10 سم
كشفت علي الممرضه وقالت مفتوح 7 تبيشرت بالخير وقلت صاير الفتح أسرع لكن الشكوى لله الألم أقوى وأقوى
ورجعت للتنفس والممرضة جنبي تشجعني لاني متمالكه طاقتي ومركزه على التنفس والذكر
يمكن مافي ام ماخطرت على بالي وقتها
ياااااه امي جابت 7كيف تحملت هذا الألم
وغيرها وغيرها
كنت مكلمه الممرضه انه مهما حصل ما ابي عمليه
لان عندي حساسية حمل وأخاف ما أتحمل البنج ويصير فينا شي
وكذلك الطلق الصناعي والحمد لله ما احتجته
كانت الممرضه ((روز)) حريصه اني ما اسوي شي يسرع الولاده قبل اوانها
زي مشي او دفع بدون طلق يعني شي مبالغ فيه
كانت اجهزه التخطيط((قلب البيبي والطلق))على بطني
فجأة ماعاد سمعت نبض البيبي
قلت يمكن مع الحركه يمكن الجهاز فيه شي
قامت روز تحرك الجهاز يمين يسار مافي نبض
لما نزلته تحححححت سمعت النبض طلع البيبي
خلااااص ناااازل
قالت اذا حسيتي برغبه في الدفع قوليلي فورا
طبعا مع الطلقات كنت احس برغبة الدفع لكن ماكنت اقدر اقول لان الألم شديد ولا بتحمل تكشف علي
لكن اما جت الساعه 3 ونص صار مافي مجال اتهرب
وقلت لها فورا
كشفت علي وفجأة لقيت 10ممرضات حولي وكانت قالت لي ان الدكتور بيدخل وبيعطيني ظهره
علشان الطفل ممكن يكون تعبان ووجود الدكتور ضروري
وفعلا كان موجود بس مقفي وبدا الدفع
ولاحظت ان موضوع الولاده معتمد علي 100٪
ارفع رجولي أحط دقني على صدري وادف
ومع كل رغبه في الدفع اقول لهم يالله
ويبدأ صياحهم وتشجيعهم بوش بوش بوش
لكن خذلني نفسي
بدا يضعف وأصير مقسمه الطلقه يعني اقطع نفس كذا مره
وهم يحاولون أخذ نفس طويل لكن ماقدرت اسوي اكثر من طاقتي
وعلى الساعه 4ونص العصر قالت روز انها شافت الرأس ...هنا حسيت بالتقدم وان جهدي ماضاع
وأني يبي لي زياده شوي رغم ان كل طاقتي تقريبا انتهت
وبعون الله وقوته وقدرته .....
((الصخره..صخرتي ))
كان دقني على صدري عيني تحت ونسيت كل اللي حولي ماصرت اسمع الا عقلي يقول شدي حيلك طفلك محتاجك
بيسحبونه بيرجع يدخل بيختنق الف فكره وفكره كل وحده اكثر ايلاما
وقلت هذي هي اللحظه وادفع دفعه قويه وطلع راس البطل واكتافه ومن خوفي لا يسحبونه ولاني ميته ميته أعطيت دفعه ثاني علشان ماينسحب من اكتافه
الله اكبر
الله اكبر
الله اكبر
صدقوني حنا يالحريم مو قويات اجسام لكن رحيمات قلوب
تحملنا للولاده رحمة منا بالطفل مو بالعضلات ولا القوة
لكن رحمة تسري في الدم تخليك تعطي وتعطي وتدفعي وتتحملي الطلقه بخوف ورجاء
ورحمة تتملك كل حواسك
طلع راكان حبيبي..ما حطوه على صدري أعطوه للدكتور فورا وصاح بصوت مو عالي كثير.. بكاء عادي
قال الدكتور ولد الف مبروك وجابته الممرضه والكل يصييييح حولي بالتهاني
قالوا نأخذه دقايق نكشف عليه
وفعلا رجعوه لي بسم الله عليه وشفته حبيب أمه وروحها
وقالوا لازم حضانه لان حجمه صغير 2كيلو
راحوا به ورجع لي الوعي وشفت اللي انا فيه انه باقي لازم خياطه
جتني الدكتوره الباكستانيه اللي قلت لكم عليها
ورفعوا رجولي وأعطتني إبرة بنج وخيطتني من جوه و برا
ما حسيت بالألم الحمد لله
وريحت شوي وارتديت نفسي وصرت احاول استوعب المعجزة الالهيه اللي صارت من دقايق
بالنسبه لراكان او زي ما احب اسميه روك او الصخره لانه بطل مثل أمه فديت خشمه الأصفر
حطوه في الحضانه عنده صفار خفيف ادعوا له الله يشفيه ويطلع بسرعه
وطلبت منهم أظل بالمستشفى كم يوم علشان اكون جنبه
وان شاء الله قررت اطلع اليوم علشان اروح اجهز بيتي لاستقباله ((للأسف ماعندي احد يقوم بي في نفاسي))
لذلك قلت الأفضل اطلع اليوم واسوي اللي اقدر عليه ببيتي وان شاء الله اجيب شغاله موقته
وبكره يطلع صخرتي فديته ..
((إحساسي اليوم))
انا إنسانه انولدت مع ولدي في أشياء تغيرت في تكوين شخصيتي
عاطفيتي الزايده وخوفي على ولدي يغلفه قوه هاااائله احس محد يقدر يوقف قدامي او يأخذ
حق من حقوقي او يحول بيني وبين ولدي
احس هالقطعه من قلبي أعطى هدف وقيمه لحياتي ولونها وطعمها
الله لايحرم ام من ضناها وينتقم من اي مخلوق يتلاعب بعواطف ام او يأذيها في أطفالها
وختااما
اسال الله لي ولكم صلاح النيه والذريه
والله يكتب للكروشات الولاده السهله الميسره
وأطفال بكامل الصحه والعافيه
سحابه و ام بدر الف مبروك حبيباتي الله يرزقكم برهم ويعطيكم اجر الحمل والولاده
وشكر عميق ومن القلب لكم يا احلى تجمع و طبعا انا متابعه معاكم وجزاكم الله خير على كل دعم او معلومة نفعتني او نفعت غيري..
احبكم
&بقدومه هلت البشاير وصوته هز المشاعر& تباشير 4 لاروع مواليد سبتمبر واكتوبر 2014
متابعة النقاش، صفحة 105