السلام عليكم ورحمة الله وبركاته
كيفكم خواتي ان شاء الله بخير موضوعي عن عاده اخذتها من أمك وا جدتكي او اي احد تربيتي عنده لما تزوجتي صرتي تسوينها خلينا نستفيد ببدا بنفسي بما ان اللي ربتني جدتي الله يرحمها ويرحم اموات المسلمين كانت تشتغل وتروح الدوام ولها يوم بالأسبوع يجازه ونظامها تنام بدري وتصحى الساعه ثلاثه الفجر وتخلص البيت مايجي الفجر الا وهي مخلصه ويش تسوي لاخلصت تجلس ترتاح لا الصباح تطلع وتكنس اللي عند البيت ولا خلصت تكنس اللي عند الجيران بس لازم تهاوش الحريم اللي يرمن الزباله يراء تكنس وتهاوش بس كل الحارة يحبونه من صغيرها لكبيره وانا ياحزركم ويش اخذت لأجيت أنظف اجلس اهاوش اللي يرمي وما ينظف وييتدي الموال ما انتبه الا زوجي يقولي فلأنه روقي يقول اسم جدتي وهي بنفس الوقت جدته بس اخذت منها احب أساعد اي احد الله يدخلها الجنه حجات كثيره اخذتها منها ايوه التجاره كمان اخذتها منها ياله دوركم نتونس ونتعلم
شاركي في النقاش
سجلي الدخول لإضافة تعليق.
التعليقات
26- انا تعلمت من امي اكرام الضيف وماعتذر عن استقباله مهما كنت مشغوله او تعبانه
وتعلمت منها الاحترام والبعد عن الكلام القذر عمر امي ماتكلمت عندنا بكلمه وسخه ولاتسمح لنا هي وابوي الله يرحمه عشان كذا استغرب من اي احد يتلفظ بكلام بذئ
فعلا ماتعودت اسمعه و الحمدلله مربيه ولدي بنفس الاسلوب
وتعلمت منها اني اكون متسامحه وان الدنيا ماتسوى لحظة كدر وان اعيش بسلااااااام
وتعلمت من اخوي الكبير القدره على الاقناع
عنده اسلوب حلو استفدت منه كثيير الله يسعده - تعلمت من امي اشغل قران واشتغل بالبيت وصارت عادتي وتعلمت امسك لساني عند الحريم ولااتكلم عن امور الناس وتعلمت منها اطعم جيراني بوقت العزايم وصارت عادتي مااتركها وجاراتي قلدوني بذا الحاجة
المشاركة المقتبسة غير متاحة.
ماشاء الله ونعم ماتعلمتي نورتي حبيبتي
فعلا القران بركه بالبيت ونعم الجاره أسعدني مرورك
ماشاء الله عليكي كادت العاده هذي تنقرض بس فعلا الدنيا لسع بخير وعادات اول ما احلاها تشرفت فيكي وين الباقين- مشكوره أختي على الموضوع الحلو 🌹انا تعلمت من أمي الله يطول بعمره أني احترم الجميع وما اكثر الحكي عند احد يعني اطبق المثل خير الكلام ما قل ودل وتعلمت حب القعدة بلبيت ما أحب اطلع بيتوتيه 😀واهم شي علمتنا آمنا من الصغر مخافت الله بكل كبيره وصغير والله أني بعض الأحيان اذا شفت نمله اخف لا اكنسه من كلام أمي عن عمل الخير وعمل أشر 💐💐❤️الله يسعد أمهاتنا ويسعد صاحبة الموضوع سعادة ابديه 💐❤️🌹
- تعلمت من امي مواصلة اقاربك حتى لو مقاطعينك ماتحب تقطعهم تواصلهم وتحتسب الاجر
مواضيع مشابهة
تابعي تجارب أخرى من هذا القسم.