&بقدومه هلت البشاير وصوته هز المشاعر& تباشير 4 لاروع مواليد سبتمبر واكتوبر 2014

متابعة النقاش، صفحة 180

شاركي في النقاش

سجلي الدخول لإضافة تعليق.

التعليقات

1,971
  1. الله يبارك فيكم بنات وعقبالكم..

    اقولكم قصتي

    طبعاً يوم الثلاثاء كان موعدي مع الصناعي حطولي تحميله الساعه ٩ بالليل ما حسيت بأي شي ابد..

    فحصتني الدكتوره والرحم مقفل،، عطوني التحميله الثانيه ٩ الصبح وبدت فيني آلام خفيفه مثل الم الدوره تزيد وتخف بس تبقى محتمله.. وفحصتني وكان للحين الرحم مسكر

    الساعه ٩ بالليل عطتني التحميله الثالثه وهنا بدا الالم القووي وكله مرتكز تحت البطن طول الوقت اتأوه والتوي من الالم ما وقف ولا خمس دقايق متواصل طول الوقت والغريبه بجهاز التخطيط مو مبين ان معاهم طلق

    الفجر قمت اصرخ واصيح من الالم جاتني الدكتوره وقالت مفتوح واحد سم وطول فترة الالم كنت اجرب طريقة التنفس وفعلاً ريحتني بس بعض الاوقات ما اسيطر على نفسي

    عطوني ابره مسكنه عشان انام وغفيت شوي على الساعه ست ونص الصبح مرت علي دكتورتي وفحصتني قالت اثنين سم وانا التوي من العواار و ترجيع طول الوقت

    قالت لي الدكتوره خذي ابرة الظهر للحين ما شفتي عوار الطلق ما بتقدرين تستحملين اذا من الحين الالم واصل حده،، قلت لها كتبيها لي موافقه المهم يخف علي الالم.. قالت خلاص على ما يجهزون المكان و يجي طبيب التخدير ننقلك غرفة الولاده..

    حطولي مغذي و عطوني الابره الشرجيه ورحت في عالم ثااااني متخدره ونايمه ولين العصر ما ودوني غرفة الولاده والالم شديد ومستمر وجهاز التخطيط ملزم ان مافيني طلق.. راحت اختي كلمت الدكتوره كانت بالعياده وتدق على الجناح تهزأهم تقول المفروض الساعه 11 تكون بغرفة الولاده ليش ما وديتوها

    على الساعه 5 ودوني وجات طبيبة التخدير وحطت لي ابرة الظهر و طول الوقت مسيطره على التنفس

    والحمدلله ياااارب من هالوقت نسيت الالم صدق من قال ان هالابره رررحمه رحمه من العالمين،، خلصت من الابره الساعه 6 فحصوني وكنت للحين اثنين سم

    عطوني طلق عن طريق المغذي واشتغل معاي بس ما حسيت بألم ابداً.. الساعه 8 فحصتني كنت توني ثلاثه سم طبعا كل شوي كنت اسوي بروفة للتنفس هههههههه و زوجي قاعد معاي واسولف عادي بعدها مشى،، وانا من دخلت غرفة الولاده حاطه يدي على بطني واقرا سورة الزلزله وآية يا نار كوني برداً وسلاماً على ابراهيم..

    والله يا بنات فحصتني الساعه ثمان ونص لقتني ثمانيه سم تخرعت القابله خلال نص ساعه من ثلاثه الى ثمانيه وقالت خلاص استعدي ربع ساعه وفتح عشره سانتي وبديت ادفع وانا ملتزمه بطريقة التنفس والحمدلله ضبطتها وهم مستانسين مني اني فاهمه السالفه وطبعاً ما كنت حاسه بالدفع ولا بأي الم لان جسمي مخدر من الابره وولدت بالسلامه على الساعه 9

    على قد ما تعبت و تعذبت بالبدايه بس الله رزقني ولاده سهله بدون الم كله بفضل الله ثم فضل الابره وقراءة سورة الزلزله والاستغفار والدعاء بتيسير الولاده


    Sent from my iPhone
  2. @ana_lana_2

    صباح الخير 
    اخباركم

    مبرووووك مريومه ما بغيتي 
    الله يبلغك فيها

    انسانه الله يحفظ لك ما عطاك 

    ريا انا اخذت الحشوه من دبنهامز 
    فيه ريش دجاج وبط ونعام 
    أخذت ريش النعام ب 1800 
    بس جميل يستاهل سعره 
    والمفارش ما عجبتني بس انا ما اخذت السادات 

    جايه حلو بديتي تشتغلين على شعرك وبشرتك ما شاء الله 
    اذا ما يضايقك عند اي دكتوره رحتي 
    وايش النظام اللي كتبته لك 

    هنو وروح وفطومه الله يهون عليكم 

تابعي تجارب أخرى من هذا القسم.