لا رجاء خرابة البيوت لا تدخل علينا رجاااء

السلام عليكم
انا لي اخوان كثار
قبل 12 سنة هالكلام
وكان واحد منهم مو متوظف واهلي اصرو يزوجو انا
كنت صغيرة بعمر 22 سنة وموظفة غير رسمي بعدين ترسمت
تجمعو اهلي حولي مثل مايتجمعو على الذبيحة
وجلسو خوذي لاخوك قرض
خوذي لاخوك سيارة
خوذي لاخوك فيزا
اانا من الضغط رفضت طبعا هو يتزوج انا مالي
اسااعد بس ماشيل اليلة كلها
امي زعلت واهلي مايكلموني ابداااا جلسو فوق الشهر ضغط نفسي منهم
لما وافقت

رحت للبنك اخذت قرض بيت واثاث
رحت اخذت سيارة قرض ثاني يعني وبعت السيارة وقدمتها مهر للعروسة
رحت اخذت فيزا للاجهزة الكهربائية
اكيد تقولو هو وينه اقولكم فقير
مادفع شي ولا قدم على البنك التسليف ولا شي
يقول لا مابي اكليل تدفع وانا من ضغط امي الله يسامحها بس\واخوي الكبير لاني يتيمة الاب الله يرحمه لو عايش ماخلاني اخذ لانه دائم يرفض يقول يلي يبي الزواج يزوج نفسه حنا نساعد باقليل
وفعلا جهزت بيته والله ثم والله مادفع شي الا تلفزيون
و200 ريال اغراض الثلاجة ايش اغراض الثلاجة
جبن ومربى ولبنة عرفتو عبيت الثلاجة له
ولا كل شي من ملعقة لغرفة النوم والبهارات كله انا
واعوذ بالله من هالكلمة
تزوج وعاش حياته الله ياخذه
وسبب بيني وبين عروستة مشكلة كذب كذبة على لساني وهي زعلت
ويمشي بين ااخواني يقول اكليل خربت بيتي
وجاب 4 اولاد وكلهم انا مالي علاقة فيهم يعني لا تدخل بالاسم
بس ارسل الهدية لهم
مابي مشاكل
بعد9 سنوات زواج تهاوش مع اهلها ومعها بسبب انا وامي ومالنا علاقة
وجاء وقال طلاقتها
وجمع الاثاث بمستودع بيتنا
قال تصرفي فيه وجلس عندنا كم سنة الاثاث
انا ولله الحمد اشتريت بيت
وقلت ليه اشتري اجهزة كهربائية باخذ الاجهزة لانها من حر مالي
وقلت له الاثاث مالي علاقة فيه
تبيعه تحرقة مالي علاقة انت تبي تزوج قال لا
قلت تبي ترجع ام عيالك قال لا يلي فيها وفيها شتائم
انا اخذ الاجهزة وحطيتها ببيتي حقي
شرعا وقانونا
وقلته قدامه هل انت دفعت فيهم هلله قال لا قلت اجل اطلع منهن
الاثاث الباقي بالمستودع الان مضيق علي
ولا اقدر اتصرف فيه خوفا من لسانة القذر\
الزبدة جلست 8 سنوات اسدد في قروض زواج وانتهيت ولله الحمد منه
اخواني الثلاثة الباقين زوجتهم بس اشتري لهم الاثاث وهم يتحملو كل شي
اخوي واحد منهم بيسكن بيته قريب وماثث جديد
وامي امس سالته فلان وش سويت بالاثاث القديم
قام وصرخ تقول مقروص
ليه تبون تاخذونه مثل اثاث فلان
لو احرقة مال بنتك علاقة وتهزئة بامي
جيت وغسلت شراعة طبعا
ويقول تعلمت من فلانة يقصد طليقة الكلب الثاني \اني ماحد ياخذ اثاثي مني
كل امس وابكي من تعاملهم لي القاسي
والله توني جاية من سفر وجايبة هدايا
ولا وحدة سلمت ولا كلفت تقول حمدالله السلامة
بكيت كل هالخبرة سنوات تروح ديون هالكلاب
يلي يشتم والثاني مسميني خرابة بيوت
اها يالقهر بس
ويلي تقولي مو مغصوبة بالدفع له
اقولكم خطوبة تمت بدون علمي وجايين حولي يقولون متى تدفعي غصب غصب
توقعت اني اخذ قرض الاثاث لا طلعت شلت اليلة كلها
وحددو العرس وانا قلت مابي اخذه كيفه قالو تاخذي غصب
اقسم بالله مالي علاقة بطلاقة
ولا عمري دخلت بيت احد منهم
حتى هذا يلي امس صرخ بوجه امي
قسم بالله مادخلت بيته متزوج من 3 سنوات مادخلت بيته بعد زواجه
والله يشهد على كلامي
دعواتكم بنات لي دعواتكم