شاركي في النقاش

سجلي الدخول لإضافة تعليق.

التعليقات

20
  1. @um_lamoo

    انا خلعت الاربعه كووووولها

    وقت الخلع ماراح تحسي بالالم
    غير ابره البنج
    و لمن يشد الدكتور السن .... ح تحسي بالشد فقط بدون الم


    لكن بعد مايفك البنج ح تتعبي

    ف نصيحه
    جربتها لمن خلعت الضروس الثلاثه
    الاولى تعبت منها لاني ماكنت اعرف

    وبعدين تعلمت خخخخخ

    خدي لك ابره فولتارين في العضل ... حتى لو ماكتبها الدكتور .. اطلبي يكتب لك
    اول ماترجعي حطي تلج ع خدك ... و استخدمي دا التلج ثلاث ارباع اليوووم
    يخفف لك الالم بشكل فظييييع
    اشتري ايس كريم ...
    اعملي لك شوربه او مسلووقه دجاج او لحم .... و اشتري لك مصاص العصير ... لنك لو شربتيها كدا او شربتي اي شي ح يالمك الجرح .. ف بالمصاص افضل
    الالام ح يجلس بالكتييير يومين او اقل ع حسب كبر الجرح
    وبعدها ماراح تحسي بالالام ... غير لمن تاكلي او يجي اي شي في مكان الجرح


    وبس دي كانت تجربتي
    اتمنى اكون افدتك
  2. @myma12

    انا ركبت تقويم وقبل لا اركب قالتلي الدكتوره عندك ضرس العقل مساره مو مظبوط لازم ينخلع وخلعته ..

    عادي لاتشيلي هم يحطولك بنج ماتحسي بالالم وبعدها خذي مسكن وبكذا ماراح تحسي بالالم من بداية الخلع لنهاية يومك
    والي يبغى الدح مايقول اح .. بالتوفيق
  3. @ms_dyor_5

    انا خلعته عادي ببنج ماتحسين بشي ان شاءالله لا تخافين حتى لو في الم كلها ساعتين ومع المضاد والحبوب يخف
  4. @ahlam_al

    اول شي ، لازم اللي يخلع لج ضرس العقل يكون دكتور جراحة فم و وجه و فكين .
    و اكيد الافضل يكون له خبره ، لانه ضرس العقل بعضهم قريب للعصب : )

    و اذا تحتاجين خلعهم كلهم ، يسوي لج على اثنين - اثنين ، مو اربعه دفعه وحده
    عشان تقدرين تاكلين على جهه و العوار اقل و ان شاء الله ماكو عوار.

    عن نفسي ، شلتهم كلهم الحمدلله " على دفعتين و بس واحد منهم بارز نصه "
    اثنين حسيت فيه بعوار و معاناه بس ربج يسهل
    و اثنين لا الحمدلله ما حسيت بعوار قوي و صعوبه بالاكل مثل الاول.

    اول شي راح يعطونج ابرة تخدير ، تقريبا ثنتين .. لما يتخدر نص وجهج
    و راح يشيلونه لج و مافي اي الم لانج مخدره بس راح تحسين بضغط ايد الدكتور.
    و بعدها بأسبوع راح يعطونج موعد عشان تشيلين الغرز.

    الالم يبلش بعد ما يروح التخدير و من اليوم الثاني تقريبا راح يشد الوجه
    و مراح تقدرين تفتحين حلجج بعدها يخف شوي شوي و اهني اكلي مسكن
    الافضل Profinal 600mg " حتى قبل لا تسوين الجراحه اكليها عشان يبدي المفعول " .

    و في شغلات مهمه لازم تنتبهين عليها ، و الدكتور راح يقول لج عليها.

    مثل بأول يوم راح يكون في نزيف ، راح تحطين شاش و تبدلين كل ما تحتاجين.
    ما تشربين شغلات بـ Straw ، و ما تشربين مشروبات غازيه ..
    و مثل هالشغلات عشان ما تشيلين الدم المتخثر.

    التورم ، حطي ثلج لمدة 10 دقايق على مكان الورم
    بعدين ريحي 10 دقايق و عيدي الكره .. لما تقريبا يومين و يخف التورم.

    الاكل ، راح يكون صعب عليج .. فـ راح تاكلين اي شي بارد و طري
    ايس كريم ، بطاط مهروس ..
    " بعد الجراحه بساعه ، عادي تاكلين بس لا تحوشين الخياط "
    بس انتبهي ، لا تاكلين عيش " ارز " او شغلات صغيره مثله
    عشان ما يدخل بمكان الجراحه ، و اي شي يحتاج مضغ طويل .. ابتعدي عنه

    و من ناحية تفريش الاسنان ، اول يوم جراحه .. لا تفرشين
    الايام اللي بعدها عادي ، بس لا تحوشين الخياط و مكان الجراحه
    و الافضل بعد كل وجبه بنص ساعه ، عشان ما يصير في التهاب او شي جذي

    و اذا وقف النزيف و تقدرين تفتحين حلجج طبيعي ، تمضمضي بماي و ملح.

    ان شاء الله اني فدتج و ترى كل شي بيمر سهالات ان شاء الله ،
    بس نصيحه مني اكلي عدل قبلها لانه اول جم يوم بيمرون عليج صعبين : )

تابعي تجارب أخرى من هذا القسم.