السلام عليكم ورحمة الله وبركاته
يابنات انا قبل كم فتره كتبت موضوع ع وفاة امي(الله يرحمها ويغفر لها) وماقصرتو وياي بردودكم الجميله واشكركم جميعا
بدخل بالموضوع
خواتي انا توفت امي وقبلها ابي متوفي احس الدنيا ضاقت بعدهم
انا كل يوم بعيش يومي مثل كل بنت متزوجه وعدها اطفال وطول منا صاحيه ملتهيه بالاولاد والبيت وبزوجي الله يحفظهم بس من يجي وقت النوم اشششيل هم طول منا حاطه راسي ع الوساده وانا افكر بأمي كيف ماتت وكيف حصل بذاك اليوم اعيد كل لحظه وانا كنت معاها وهي مريضه وداريتها(ربي يرزقني برها ويرحمها ) وكيف ماتت وهي ع ايدي كل هالافكار تجيني وقت نومي وابكي وابكي بحصره واختنق واتعوذ من الشيطان واقره الادعيه ماقبل النوم وووو بالموت يله تغمض عيني ماعرف شسوي بحالتي هذي من ودي ابكي كل لحظه وارتاح لاكن يأتيني البكاء وقت نومي فقط واحاول بصمت ابكي حتى لا ازعج احد
ارجووووكم انصحوني ارشدوني وربي مااعرف شسوي واعتبروني اختكم ومحتاجه تساعدوني وتدعولي
وربي يوفق كل من ترد ولها دعوة في ظهر الغيب
شاركي في النقاش
سجلي الدخول لإضافة تعليق.
التعليقات
20- الله يرحم أمك حبيبتي ويجعل قبرها روض من رياض الجنة
اذا كانت أمك توفيت حديثاً أنا أشوف اللي يصير معاك عادي جداً
وخاصة أنها توفيت بين يديك وتحت عنايتك ..
الله يربط على قلبك ويلهمك الصبر والسلوان - انا مثلك ماتت امي بالبيت وغسلتها انا وبعدها ابوي الان لي سنتين من مات ابوي وانا احس انه حلم ومخنوقه الله يجمعنا فيهم بجناته جنات النعيم
- لاتنسينها من دعواتك الله يصبر قلبك
- والله لها حول خمس سنين وما غابت عن عيني امي الله يرحمها في مرضها عانت وعساه تكفير
كلنا كذا الله يرحم موتانا وموتاكم
بس تعوذي من الشيطان ولا تنجرفين لمشاعرك اذا حسيت بالبكاء ادعي لها ولموتى المسلمين
ولا تأوين لفراشك الا وانت بحاجة شديدة للنوم
الله يصبرك ويرحم والدينا ووالدي والدينا والمسلمين اجمعين - أقرئ سورة البقره وقت النوم
او شغلي القران
مواضيع مشابهة
تابعي تجارب أخرى من هذا القسم.