انا استخدمته و نفع معاي
بعطيج الطريقه السليمه اللي لازم تمشين عليها
لا تغلطين غلطتي
تفضلي الطريقه الصحيحه بالصور :-
اول شي تكون المنطقه مغسوله و نظيفه تماما و جافه
وبعدين تاخذين الكريم و تحطينه فوق المنطقه المطلوبه
ويكون افضل لو انج تقسمين المنطقه على اجزاء
حتى يسهل نزع الشعر
و الافضل ما يكون الشعر طويل ولا يكون قصير
يعني متوسط
حطيه على الجلد لحد ما تتغطى المنطقه باكلمها
لكن ديري بالج لا تمسحينه
لازم يكون الكريم ( لونه ابيض ) موجود فوق الجلد
يعني ينشاف
وهذي صوره توضح مقصدي
واذا تبين تضمنين ان طريقتج صحيحه
شوفي الكريم لما وزعتيه فوق الجلد
هل غطى الشعر كله ؟؟
اذا كان مغطي كل الشعر اللي فوق الجلد لدرجة ان الشعر ما ينشاف
معناته طريقتج صحيحه
و اقعدي على هالحاله لا تتحركين لمدة ساعه
او ساعه ونص
على حسب نوعيتج
لان البنات يختلفون
صديقتي خدر لها المنطقه بنص ساعه
اما انا لمدة ساعه او ساعه ونص
ولما تحسين ان الجلد تخدر
اخذي كلينكس و امسحي
لا تستخدمون الماء ابدا
مجرد كلينكس
امسحي المنطقه فيه
وتوكلي على الله ابتدي الحف
وسلامتكم
اتمنى يكون شرحي وافي
واذا في نقطه ما فهمتيها لا تترددين
اسأليني و راح اجاوبج باذن الله