قلقانه واحتاج الى مشورتكم ..

السلام عليكم
وصباح الخيررات
بنات يسعدكم ربي والله مالي غيركم استشيره ضاقت بي الدنيا مع ان الموضوع واعترف مو صعب لهالدرجه بس تعرفون الشي لاجاك وانتي ماحسبتي له حساب ..
بدخل ب الموضوع من شان تفهمون علي
انا ي اخواتي مخلصه جامعه من سنتين وكل سنه كان حلمي دبلوم التربوي اللي هو سنه وكل ماقدمت ماانقبل ولايطلع لي اسم وفقدت الامل وشلت الموضوع من بالي ..اللي صار اليوم اتصلت الجامعه علي تقول انقبلت وتعالي بكره شوفي جدولك .. المشكله الله لايجيب المشاكل اني اللحين حامل ب الخامس دعواتكم لي ومعاي تقلصات ولزوم الراحه بس الحمدالله احس اني تمام...والشي الي ماعرفت كيف اعترف فيه لاحد اشكي له اللي هو زوجي ي بنات وربي ماتدرون قد ايش عانيت معاه ايام الجامعه بسبب غدا واكل السوق والبيت مهما حاولت ارضيه ماكان يقتنع واللحين بعد وربي لي شهر عايشه بمشاكل كلله بسبه ملابسه واكله لو يمر يوم ماانجزت شي وكنت تعبانه من الحمل يطلع عيوب الدنيا كلها فيني ينكر كل معروفي لدرجه شكى ع اهله مني وهم معاه ضدي ويحرظونه علي ..لكن ماقول الا حسبي الله ونعم الوكيل...ف اخاف ادرس والتربوي ضغط واوقاتع ضغط ومع الحمل اكيد مابكون الانسانه الكامله لكن بحاول قد مااقدر اغطي البيت وشغله نفسي وربي ادرس بس اخاف من مشاكله اخاف مايرحمني ي بنات يعلم الله اني ابكي خايفه من كلامه وتجريحه لي مارحمني وانا حامل جرحني كثيررر صاير مايتنازل عن شي له واهله وربي كل ماجيتهم قالوها بوجهي وعاتبوني ع اكل ولا غيره وقالوها من وراي ماوحده فكرت فيني وقالت حامل وتعبانه وخفف عليها وربي قالها بلسانه لي يقول امي تقول حملنا وقمنا وطحنا مافينا الا العافيه ...
واذا ع رايه يقول روحي ودأومي بس شلت هم البيت واشغاله وحملي ولو ولدت شنو بيسير فيني يعلم الله اني مهمومه وافكر من وصلني خبر القبول للحين مالقيت مين يحس فيني ويقنعني ...
انا الحمدالله استخرت والله يكتب اللي فيه الخير .. والحين
ابي رايكم تكفون لو كنتوا مكاني ونفس وضعي تدرسون ولا تعتذرون ..