انا كتبت هالموضوع حبيت ابين بكل بساطة وعفوية اللي نمر فيه خلال 9 شهور..40 اسبوع...
الشهر الاول....(قبل اكتشاف الحمل) تعب في الجسم...الم في الثدي...وارهاق طول اليوم حتى من غير مجهود
الشهر الثاني....اكتشاف الوحام ...وثقل في الثدي....دوخان و اعياء بالذات اول ما تصحي من النوم....بداية مشوار الحمام رايحة وانتو بكرامة
الشهر الثالث...النوم بكثرة بسبب انخفاض الضغط لان تتفتح الاوردة...نغزات في الرحم كل ما امتلات المثانة لانك صراحة تكوني مليني من الروحة والردة للحمام ,,فتحاولي طنشي و تصيبك نغزات في الرحم على شكل طعنات مؤلمة جدااااا...
الشهر الرابع...عطش باستمرار...ريق ناشف دايما..قلة الكالسيوم ...وتغير النفسية بسبب تغير الهرمونات
الشهر الخامس..ممكن يكون ارتفاع ضغط .. واحيانا ناس يكون معاها سكري حمل..بالتالي تورم في اليدين والرجلين و تعب..وسخونة في الاطراف لو جالسة في درجة حرارة تحت الصفر..
الشهر السادس...الم في الظهر...و حركة قوية للبيبي ممكن تكون على شكل رفسات في ضلوعك..على قد ما تحبيها على قد ما تضايقين منها لانها احيانا تجي متكررة و بصورة قوية..هذا كلو و مازال مشوار الحمام مستمر..
الشهر السابع...طبعا السابع سيد شهور حرقة المعدة...تكرهين تاكلين..تكرهين تشربين...لان الجنين يكون ضاغط على فم المعدة تتمنين انه ينتهى على خير لان شهر ولادة...قلق انه الجنين ما يكون ناقص وتحاولين بشتى الطرق تحافظين على حملك في هالمرحلة عشان ما تولدين ونهايته تكون في الحضانة........
الشهر الثامن....النفس يضيق...التنفس يتغير تماما...عدم راحة في النوم الا ابعد الحدود..فجاة تحسين بجوع مهما اكلتي ومن بعدها طبعا حرقة المعدة..وكبر البطن و شدة البطن ورفسات البيبي و البطن مشدودة مولمة...نغزات في الرحم على شكل طعنات خفيفة بس مولمة..لان ممكن تجيك في السوق ..وانتي ضيفة عند ناس...ومازال مشوار الحمام مستمر كل نص ساعة!!
الشهر التاسع ....و ما ادراك ما الشهر التاسع...قلة نوم من الحمام...قلة تنفس...عطش باستمرار...ممكن رشح او زكام لان
جهاز المناعة عند الام يكون حدة ضعيف اي شي هي معرضة له...ناهيك عن الخوف..القلق...الشغف...الحب... الملل..
الخوف من الالم الطلق..والولادة ولحظة خروج الجنين..تفكيرك كله بيكون محصور (هل بولد طبيعي؟ هل بولد بطلق اصطناعي..يا تارا الجنين بغير اتجاه وفجاة راسة بيطلع فوق..ويضطرون للقيصري؟ يا ربي انا بتكون عندي قوة وما اخزل جنيني لحظة خروج الراس؟)
القلق على الجنين...لحظة الولادة..بيكون ناقص...ملتف الحبل السري حولو؟..صار له نقص في الاوكسجين لضيق الحوض..ودك تعرفين اذا كان خلقة كاملة ناقصة ..يسمع كويس...يشوف كويس...يحرك اطرافة..اصابعه زايدة ولا ناقصة...
شغف وشوق ...انك تشوفين هالمخلوق اللي اتخلق منك..يا رب انتي اهل لتربيته...يارب هي مسولية علية يا ريتني اجلتها..يارب اقدر اطلعه انسان نافع في المجتمع و ما يكون بلاء عليهم..
ملل..من كثر التفكير..ملل من شد بطنك والثقلة كل ما قمتي و كل ما قعدتي اي وضعية ماهي مريحة لا في النوم (لو نمتي على اليمين ..تتخدر كل المنطقة..وعشان تغيرين لليسار روحك بتطلع لازم تقومين وتقعدين و بعدين ترقدين على اليسار..والم رجلك اللي في اليسار يزيد مع ثقل البيبي لان راقد عليه..ترقدين على ظهرك..تحسين بكتمة نفس وضيق)...ولا في الاكل ...ولا في القعدة...ولا في المشية..و نغزات رحمك و تعبك و قومتك و قعدتك وتكسر بالجسم..هذا غير الطلقات الكاذبة..وزيادة الم اسفل الظهر فوق ما الوحدة تتصور..والم وشد في منطقة العانة لان الرحم يبتدي يتفتح ..الم في رجلك اليسار او اليمين من اولها لاخرها لان البيبي راقد عليها..الم في منطقة الحوض لان البيبي يمزق كل الاغشية يستعد للطلوع
سبحان الله...ميزنا ربنا باحسن صفة..شبهونا بالمجاهدات وثوابنا ثواب الشهيدات...
ورد في نص قراني,,(وَوَصَّيْنَا الإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا)...
وتلومونا لو حبينا نفضفض؟
ربي ارزق كل بنت الزوج الصالح وكل متزوجة الحمل وكل محرومة تقر عينها بشوفة جنينها
منقول
تباشير 5 لمواليد (سبتمبر&اكتوبر) 2014
متابعة النقاش، صفحة 272