تجمع التباشير 6لاحلى مواليد ( سبتمبر & اكتوبر ) 2014

حنين حلو تجهيزك وكامل
عقبال الولادة السهلة

الله يعطيك العافيه ياقلبي ايه ع حسبتي كذا بس هم كانو مقدميني خمس ايام دوشتني امس من قالك باقي لي ع التاسع

الف الف مبروك قموررره وسعوديه والحمدالله ع السلامه وعقبالك البنات الباقين ي رب ...❤️

السـلآم علـيكم ..
ياحبي لكم ماقدرت اقرا المشاركات
مريت عالسريع
وابارك للي ولدوا بعدي والله يهون على الباقين


وبكتب لكم الاكشن حقي دام مشعل نايم
الله يصلحه صياح وعيوا يعطونا حليب
يقولون رضعيه الله يعين



نبدا بالقصه

قبل امس طلعت للمول امشي العصر ومشيت حول نص ساعه
حسيت بعدها بطني شد مره مع الم
رجعت للبيت وصار كل شوي يتحجر مع الم احسه بينشق
حسيت ان الولاده قريبه وفعلا استمر التحجر وصار معه مغص
نمت شوي بالليل والمغص والشد مستمر
قلت بروح الفجر للطواري بس ماشفت المغص زاد
يعني طلق بارد

المهم رحت الساعه تسعه الصبح وحطوا التخطيط
وصار فيه طلق خفيييف ومو منتظم
وكشفت من تحت قاالت ثلاث سانتي وسوت لي تحريض اتوقع اوجعتني بصراحه
لان الكشف العادي مايوجع زي كذا
قالت روحي للبيت وتعالي لازاد الوجع قلت لاااا مابي اطلع ماصدقت ادخل زحمه زحمه موووت امس
قالت خلاص روحي امشي واشوفك بعد ساعتين
خلوني امشي عند غرف الولاده😱
وانواع الرعب صياح الحريم مسكينات
بس حلو اخر شي اسمع صوت البيبي يطلع
المهم مشيت ومشيت وصليت الظهر ومشيت
ورجعت لهم نوموني وعالتخطيط الي يجيب العله
وبدا الطلق ينتظم وبديت ارقص معه ههههههه
بس وابدا اصيح من الالم والخوف وكل شي
كل هذا بالطواري
بس لاجت الطلقه اخذ نفس مع خشمي واكتمه شوي وبعدين اطلعه مع الفم
الطريقه مريحه مره
المهم واقعد اتألم واترجاهم ابرة ظهر قالوا بغرفة الولاده يعطونك مو هنا شكلهم يسلكون لي قهروني بس يالله خيررره
جت اادكتوره كشفت قالت سته سانتي يالله غرفة الولاده
ومارحت على طول قالوا مافي غرفه فاضيه المهم استوويت خلاص بالطواري
ويوم ررحت للولاده قالت مفتوح عشره مافي برة ظهر
ويبدا العذب الحقيقي وقت الدفع بغت تطلع روحي عجزت عياااا يطلع
وماغير تقول دفي بقوه سيم سيم رجال ههه
بغيت اشوتها تنرفز مررره وماتحترم
المهم قعدت ساعه بالدفع وماغير اصارخ
والله بدون شعور ذاك الصراخ هههههه الحين اتذكر واضحك طلعت اصوات عجيبه غريبه
عاد اخر شي حنت علي ووسعت لي وقعدت شوي وطلع الحمد لله مشعل ونور دنيتي
ماشاءالله وزنه ثلاثه ونص بعذره كمل التاسع ههه
صح المويات مانزلت ولانقطه لين فتحتها اخر شي قبل الدفع
وكبت حاااااره


عاد خيطتني ودوني غرفة الافاقه قالوا لازم تروحين للحمام
ويوم جيت بروح عجزت ماقدرت اطلع البول الله يكرمكم وارجع وتجيني دووووخه وتمسكني الممرضه بغيت اطيح بالارض
لان جاني شوي نزيف بعد الولاده
عاد الحمدلله سوولي تحليل فقر دم وقالوا الحمد لله زين


ووهذي قصتي بالتفصيييييل

مستشفى الحرس زين بس الممرضات والقابلات من يدرون انك مو بكريه خلاص انواع التهزيء والتطنيش....اترجى القابله ابي مسكن تقول انا مافي شغاله انا قابله
وتقول انتي سكري فمك😳
حشاا والله ذلوني فرررق عن ولادتي بحمودي دلع ومسويني يادهينه لاتنكتين