يابنات انا تعبت من زوجي وتصرفاته وهذا غيض من فيض
اليوم جاب اغراض البيت مطلعها فوق من السياره وفيه 3 اكياس فخمه كبيره
وصرفني عشان مااشوفها وقال لي ادخلي هناك ...ووقت الغداء رحت وشفت وش فيه
وانها 3اكياس مليانه عطور غاليه وكالعاده لأهله واخته وحريم اخوانه كالعاده ...بالعافيه عليهم لكن ليه يخبي عني وانا مااعمري قصرت معهم بشي ولاعمري منعت شي يروح لهم ابدا كل فتره يهديلهم ويفضلهم علي وقدام عيوني ومااقول شي ولاحسدت ...حزت بخاطري انه مخبي علي ويعاملني كأني حاسده
يابنات انا حامل بعد تأخير الحمد لله وبشرته وماشفت شي منه وماطلبت منه غير مجلس للحريم لاني استقبل
ضيوفي بصالتي وموب راضي يجيبلي مجلس ...واكياس الهدايا اللي مخبيها ضيقت صدري
من فتره طويله قلت له ابي بخور ولاشفت شي ...يجيب لاخواته وبس وانا يقول لي ماله داعي
التواضع زين ويتفلسف علي ويقول لي ماله داعي لين مااكره الشي
اضحي بخدمته وتربية عياله واكرف ليل مع النهار واخرتها يحط اني حاسده ...والله ضايق صدري مره ..يستخسر كل شي في بيته وكل شي يقول ليش مانعطيه فلانه ام فلان وياما خربت فرحتي وانا اتغاضى وامشي ..بخيل علي جدا على بيته وكريم مع الناس لدرجه ترفع الضغط
حتى الذبيحه يذبحها في بيت اهله ويوزعها عليهم ويجيب لي 4 اكياس صغار كبر يدي كلها شحم ويقول يكفيك
الحين هو بعد ساعه بيروح لهم وبيشيل الاكياس حقت العطور ومايدري اني شفتها ...هل اسكت كالعاده ولا اسوي نفسي شفتها واطلب منها لو عطر واحد لانها كثيره مره ماشاء الله ؟!وهذي مو اول مره يخبي هدايا عني ياما شفت ومشييت
شاركي في النقاش
سجلي الدخول لإضافة تعليق.
التعليقات
94- عزيزتي قبل كل شيء هل أنتي متأكدة أن العطور و الهدايا اللي يرسلها لأهله من جيبه ؟
يمكن العطور اللي بتشوفيها أخواته دافعين له المبلغ و طلبوا من اخوهم يجيبه تأكدي من هالنقطة
شفت ردك و ردودي خصلت و مثل ما ذكرتي أنه من جيبه هو فما عليك منه خذي من الكيس كم عطر من غير ما يحس لكن لو زوجك داهية عمل تشييك على الهدايا قبل ما يمشي فا راح يسبب لك مشكلة كبيرة معه و لو تكلم عن العطر المفقود تكلمي بقوه قولي أيش دراني عنه لكن لو هو مغفل أعذريني فخذي كم عطر اللي نفسك فيه و طنشيه أنتي أولى من غيره بماله و هداياه - زوجك غريب صراحه خذيلك منها عطرين قولي ناقصني عطور وانا احق من غيري
- لو بننتظر منهم الهدايا متنا خذيلك عشان اذا جاب بعدين يحسب حسابك
- صاحبة الموضوع #86365076
باقة حلوى عزيزتي قبل كل شيء هل أنتي متأكدة أن العطور و الهدايا اللي يرسلها لأهله من جيبه ؟ يمكن العطور اللي بتشوفيها أخواته دافعين له المبلغ و طلبوا من اخوهم يجيبه تأكدي من هالنقطة شفت ردك و ردودي خصلت و مثل ما ذكرتي أنه من جيبه هو فما عليك منه خ…
ايه من جيبه طبعا لانه مستحيل ياخذ ريال واحد منهم طلباتهم اوامر وهدايا انا اعرفه زين والله مااظلمته ...الله يهنيهم لكن ليته يعدل بيني وبينهم ويذكرني - لا حول الله يمكن اهلو معطينو فلوس يجيب لهم العطورات
واذا زوجك كريم على اهله وبخيل عليك معناها يبي يبين انه كريم يعني يدور المضاهر قدام اهله
وبعدين ايش المناسبه يهدي حريم اخوانه وش قلت هالحيا
خواته وامه فيها وما فيها بس حريم اخوانه قلت حيا ومسخره😠
وانت لو منك افتح الكياس واخذ منهن خليه يطق ويسوي الي يسوي
مواضيع مشابهة
تابعي تجارب أخرى من هذا القسم.