شاركي في النقاش

سجلي الدخول لإضافة تعليق.

التعليقات

1,992
  1. @toooth_19

    حنين ياعمري روحي المستشفى هذا طلق ولاده اكيد لانه يزيد وتقل المده بين الطلقات الله يكون معاك ياقلبي وطمنينا عنك
    الف مبروك للي ولدوو الحمد لله على سلامتكم
    انا مازلت صاامده وبقوه وبكره اكمل التاسع واقفل 40 اسبوع ولسى مافي امل اولد اللحين الدكتوره تقولي عنق الرحم عندك قاسي ومايفتح بسهوله
    امس خرجت البحر مشيت وغيرت جوو وجيت بيتي وباخذ شوية اغراض لاولادي للمدارس وبارجع اليوم عند اهلي لان زوجي مستلم وخايفه اجلس لحالي
    وان شاء الله يارب يفرجها علي وعليكم قريب
    اللهم انت المسهل وانت الميسر وانت حسبي ونعم الوكيل
  2. @dmoaa_am

    بسم الله الرحمن الرحيم




    عدنا والعود أحمد .. 




    كان يوم لا ينسي ابتدأ من صلاة الفجر 
    حسيت بتعب قوي بس ما جاء ببالي انه طلق .
    نمت .. و الساعة 6 صحيت علي نفس الألم : (




    بدأ قلبي ينغزن و حاولت ارجع أنام .. صحيت الساعة 8 و يصب معاي موية لزجة مع الم قوي بس مو قوي مرة .. 




    سألتكم و قلتتوا لي انه ولادة .. 
    بدأ الخوف الحقيفي و ترددت اروح للمستشفي او انتظر شوي .. 
    سميت بالله و سخنت زيت زيتون مع حبة سوداء 
    و دهنت بطني و ظهري .. و نقعت رجولي بموية ساخنة .. 




    بعدها تروشت بموية دافئة .. 
    صحيت زوجي بس هونت لحد ما خوفني لا تكون موية الجنين !
    الساعة 11 رحت للمستشفي .. و صار الرحم فاتح 3 سم 
    و المويات إفرازات الولادة .. و موية الجنين بآمان !
    حولوني تنويم بس رفضت 
    و وقعت و طلعت علي مسوؤليتي 




    رجعت الببت و بدأ الطلق بس الحمد لله كنت قادرة اتحمل .. 




    الساعة 4 تقاربت الطلقات ..
     و اصر زوجي نروح المستشفي عشان كنت ابغي ابرة الظهر . 
    وخاف نتاخر و يرفضون يعطوننا اياها .. 




    رحت وصار فاتح 5 سم و حولوني غرفة الولادة .. 
    علي طول عطوني حقنة شرجية .. و فرغت كل الي بامعائي : / 
    جت الدكتورة وقالت بعد ساعة نعطيك ابرة الظهر 




    استمر الطلق و كنت امشي وامشي  ب غرفة الولادة 
    و إذا جت الطلقة ركعت وحطيت ايديني علي السرير .. مرة هالطريقة خففت الالم والله .. مع التنفس العميق و التركيز بالتنفس ينسيك الألم .. 




    الحلو انهم الحمد لله وافقوا علي اني امشي و ما ربطوني ههه




    القهر مرت ساعة وساعتين و ثلاث و ما عطوني الابرة و انقهرت ! 
    طلع زوجي شوي و قالوا لازم يرجع عشان يوافق و مدري ايش .. 
    و الدكتور تأخر و حالة !




    علي ما رجع زوجي و جاء الدكتور و عطوني الابرة صار الرحم فاتح 9 سم !!




    الساعة 10 فتح الرحم بالكامل ..
     قالت الدكتورة اصبري لا تدفعين .. نترك البنوتة تنزل بروحها ..




     وبعدها بساعة بدت محاولات الدفع .. والتي وللاسف فشلت !  
    و يمكن هذا من مساؤي الابرة .. 




    طبعا كان فيه الم خصوصا بالظهر .. الم فظيع 
    الممرضة حاولت تمسج ظهري و يصير احسن .. 




    لحد الساعة 2 قالت الدكتورة لازم شفط : (
    2:17 طلعت بنوتتي و ما صاحت .. بس حطوها علي صدري 
    ضاق صدري و الدكتورة طمنتني أن الأمور تمام .. 




    الحمد لله صاحت بعدها بشوي و نظفوها و كذا و جابوها لي 
    ضميتها و حمدت ربي علي اعظم نعمة :) 




    زوجي كان معاي طول الوقت لحد أخر ساعة طلبت منه يطلع 
    لأني رحمته احس ما عاد فيه يتحمل أكثر .. 
    حضوره معاي خفف علي كثير يا رب لك الحمد .. 




    وابرة الظهر عظيمة جدا .. علي اني اخذتها متأخر شوي 
    ولو اخذتها ابكر كنت ابرتاح اكثر .. 
    بس مرة سهلت علي الولادة و خففت الالم الحمد لله .. 




    اثناء الولادة كنت مشغلة سورة البقرة .. راحة وطمانينة .. 




    ولادتي كانت بمستشفي الحبيب بالقصيم .. 




    الحمد لله انتهت قصة الحمل .. 
    و بدت قصة النفاس و النونو الجميلة ههههه
    و بعدها قصة الدراسة والوظيفة و الحياة الجديدة
    والقصص تتوالي يا رب لك الحمد




    عقبالكن جميعا يا رب .. 
  3. @lolyta_99

    حنين قومي جهزي شنطتك وتحركي اذا خف الالم الطلق يكون كاذب

    اذا زاد عليك فهو طلق حقيقي وتكونين جهزتي الشنطه

    يلا ي عسل قومي

تابعي تجارب أخرى من هذا القسم.