السلام عليكم ورحمة الله وبركاته
انا تعبت من هذا الوضع كثير
عندي بنت بعمر 4 سنوات وبنت بعمر3 سنوات
فيهم لجه وشطانه الله يصلحهم خصوصا الكبيره
اي مكان اروح له يزعجون ويفشلوني في لجتهم وصراخهم واغلب الناس اللي اروح لهم ينزعجون من بناتي جدا وعزمتني اليوم صديقتي وعندها اطفال بس مو مثل لجة بناتي ومو مثل حركتهم يعني أهداء بكثير
قالتلي اليوم تعالي بدون بناتك طول الجلسه وانتي تلاحقينهم هذي كسرت تحفه وهذي تحوس وهذي تصارخ وهذي تبكي ومانستانس في جلستنا بس تطاردين ورى بناتك ذا المره خليهم عند ابوهم ولا حطيهم عند اهلك
وفعلا معها حق صديقتي بكل شي قالته بناتي بالضبط كذا يسون وقلت اخلي بناتي عند امي افضل واريح لي عشان مااتفشل
ورحت الصديقتي واقترحت علي اجيب خدامه البناتي تداريهم وقت مااطلع تكون معاي وتساعدني على بناتي وقالت وضعك كذا ماينحمل والله بتتعبين نفسيا من بناتك وحركتهم الزايده ريحي نفسك شوي وخلي الخدامه تقوم بكل شي وانتي ساعديها لان بناتك بصراحه ماينحملون يبيلك مساعدة
قلت لا انا مرتاحه واساسا هم بالبيت هادين بس عند الناس يزعجون واذا جيت اطلع مناسبات احطهم عند اهلي
قالت على راحتك بس قلت عشانك وعشان راحتك
رجعت من صديقتي رحت اخذت بناتي من امي والاحظ امي مره تعبت من بناتي وفيه زواج الاسبوع الجاي قلت الامي اجيب بناتي عندك قالت معليش ماتحمل اذا انتي مع بناتك تجيني حياك بس تعبت منهم اليوم مقدر اتحمل صراحه
رحت قلت الخواتي تعذرو بسبب بناتي وشطانتهم كلمت خدامة اهلي وقلتلها اعطيك عشرين ريال رفضت
الحين مافيه حل الا اكنسل روحة الزواج
طيب الحل في بناتي كيف نفرو الناس منهم صياح صراخ ضرب تكفيخ خصوصا الكبيره
مررره عدوانيه وخالتي ام زوجي تقول زوجي كان كذا مأذيها وهو صغير الدرجة الناس ينفرون منها بسبب ولدها
طيب الخدامه تأيدون اجيب خدامه مختصه للاطفال مالها دخل بشغل البيت
والله الناس بالجمعات صارو يقولون ممنوع الاطفال بسبب بناتي ورب الكعبه يحرمون الكل بسبب بناتي
صرت اكنسل طلعات كثير بسبب بناتي مقدر احطهم عند احد ولا اقدر اخذهم معاي يفشلوني
حاولت مع بناتي ناقشتهم كلمتهم فهمتهم بس مافيه فايده
وش الحل اخواتي جد تعبت
شاركي في النقاش
سجلي الدخول لإضافة تعليق.
التعليقات
71- الله يصلحهم ويخليهم لك .، واغلب الاطفال كذا حرة البيت والكبت بالشقه اللي يعيشونه يطلعونه برا
احسن حاجه لاطفالك هو علاجهم باللعب بالتراب يعني اطلعي مكان في تراب سواء ع شاطي او حدايق بها تراب عند الالعاب او بالبر وخليهن ياخذن العابهن معاهن وعدتهن كامله وخليهن يلعبن بالتراب ليما يطلعن اللي فيهن
وخاصه اذا لعبوا وخلطوا الماء بالتراب ، راح تحسين ان الطاقه السلبيه اللي فيهم تخف بكثيييير
وكل اسبوع سوي لهم كذا ، وطلعيهم مكان فيه العاب خليهم يلعبووون ليما يتعبن . يعني مو شوي وتقولون لهن خلاص .، لا خليهم ساعه اكثر بيملن من حالهن
لان اللي باطفالك واضح كبت داخلي ، ويطلعنه عند الناس وهذي اكبر مشكلة ،
الله يعينك ع تربيتهن ويحفظهن لك .. - عندي وعندك خير ...بس هي فتره وتعدي ..
بس بناتي يسوووون عيوني ..والله اطنش الكل واجلس في بيتي ..اتونس معهم ..هم بالدنيا كلها ..
مااروح مكان الاوهم معي ..اظطر احيانا انزلهم عند امي لوكان عندي موعد مستشفى ..
لكن يجلس بالي مشغول عليهم ...
الخلاصه ...اجلسي ببيتك ..تونسي معهم ...واذا طلعتي نبهيهم واللي تخالف كلامك ..لاتكافيئنها بشي حلو ..احرميها من اللي تحبه ..
والله يصلحهم ويهديهم ...ويخليهم لك .. - شوفي أذا مضطره تروحي الزواج فرقي البنات وحده عند أمك ووحده عند أم زوجك أو وحده من أخواتك المتزوجه يعني كل وحده في بيت بيكونو أهدا أذا تفرقو
وحلوه نصيحة تيفانيه طبقيها. - الله يهديهم و يرزقك برهم
- الله يصلحهم ويهديهم
سجلت دخول عشان اقولك هالكلمتين
بناتك فيهمطاقه سلبيه
اذا عندك حوش بالبيت خصصي زاويه وجيبي رمل يلعبون فيه وحطي العاب عشان يشوقهم يجلسون فتره عليه صدقيني بتنسحب الطاقه السلبيه فيهم وراح تفرقينهم كثير
جربي ساعتين اول مره او اكثر لاتطلعين منها الين ينهد حيلهم منها
اهم شي لاتدخل الشغاله بيتك وتدخلين ف مشاكل انتي ف غنى عنها .
احبس نفسي انا وبناتي ولااروح لطلعات ارحم من اني اجيب انسانه غريبه لبيتي
دعواتك لي اذا نفع❤️
مواضيع مشابهة
تابعي تجارب أخرى من هذا القسم.