،،،،،،،،،،،،،مين الغلطان،،،،،،،،،

شوفي عزيزتي اتوقع كلمته (امك ماهي احسن من امي )يقصد فيها التساوي اما عطاياك لأمك وهداياك لها مو مجبور يعطيك انت جمعي من هنا ومن هنا او بعي من ذهبك واعطيها لانها فعلا تستاهل واي هديه او عطيه لا تقولين لزوجك عنها لاتلزمينه الا بالعيديه قولي اكرمني بتقديرك لام زوجتك وجدة عيالك غير العيد انتي تدبري نفسك واعطيها واسأل الله ان يرزقني ويرزقك والاخوات القارئات بر والدينا ورضاهم عنا والله اتمنى الفلوس عشان اهديهم واسوي اعمال خيريه لهم تلقاهم في اخرتهم والا هم الحمدلله ماهم في حاجة ريال واحد

مدري غريبه زوجك .. المفروض يشجعك ويعطيك بعد تعطينها .. انا اقدم الريال لامي قبل لايدخل جيبي وعااجبه هالشي ويقول ياارب عيالنا يبرون فينا مثل مانبر باهالينا دايم قولي ابي عيالي يبرون فيني مثل ماابر بامي وخلاص لاتعلمينه بالي تعطينه لامك . واهدي امه بعد ولو بطرحه او جلال ..

غريباات ياحريم عالم حواء ومتناقضات

الحين تعطي أمها من راتبه صار اجباري وواجب وحق

وبكره تجي وحده تقول اخويه يصرف على اهل زوجته ويعطيهم هدايا كلكم تقولون لها تحسبوا عليها

استغفر الله العظيم

مافي ولا شرع ولا دين ولا عرف ولا شي يقول اصرف يا فلان على ام زوجتك

يختي ماهو ملزوم الواحد الحين يدوب يصارف عياله وان جات منه من طيب خاطر جزاه الله خير

اما تجبرينه يعطي أمك هدي هو تزعلين ليش يرفض غريبه

وبعدين تجون تشتكون من أزواجكم

وإلاخت اللي تقول عطي أمك بدون علمه

ما عندك خبر ان الشي هذا حرام

صاحبه الموضوع

هديتك لامك ماهي ضروريه يعني أمك ما بتحبك الا اذا جيتي بهديه لها

بترتاح يعني كذا

لا وألف لا

اللي يريح أمك تشوفك مرتاحه مابينك وبين زوجك مشاكل

واللي يسعدها اكثر جيتك عندها وتساعدينها في البيت تنظفين لها وتطبخين لها وتهتمين فيها وفي نفسيتها

عمر الفلوس ما تجيب سعاده

وزوجك قال الكلمه من باب التساوي وأضحه لكن انتي عشان زعلانه وشايفه انه غلطان فهمتي غلط

ولا تفكرين أبدا تقللين من شان اهل زوجك قدامه مهما كان حتى لو كان عارف ومتأكد انه أهله فيهم البلاوي كلها برضه ماراح يسمح لك تتكلمين عنهم

لا تغرك المظاهر ويخدعك كلام الناس وتفكرين وش بيقولون عني أهلي وأخواتي وجماعتنا لان محد بيتقفل عليه الباب معاك في بيتك

اخر شي الهدي هان جات من طيب خاطر منه اهلًا وسهلا وان ماجات بيعي من ذهبك