السلام عليكم ورحمة الله وبركاته
وصبااااااح الخيراااات
انا حامل ولله الحمد الله يتمملي ولكم على خير
حامل بنهاية السابع تقريبا الاسبوع 31
الموهم كانت معايا الآم أسفل بطني وروحت امس
مستشفى المواساه لآني ناويه أولد عندهم بإذن واحد احد
روحت عند الدكتوره ماجده ومن قبل كانت مقررتلي عمليه
لان الجنين جالس وراسو على فووق..
الموهم كتبتلي ابرة تنشيط الرئه تقول احتياطا لولاده مبكره
4 إبر كل 12 ساعه
سؤالي هوا
قالتلي ادا ولدتي عالسابع او نص الثامن يعني قبل التاسع
قالتلي لاتجي هنا روحي الولاده افضل لان الجنين حيكون
محتاج حضانه وهناك فالولاده الحضانة افضل للاطفال..
انا انصدمت وقلتلها لا ي دكتوره تكفين انا ابغى أولد هنا
ماابغى الولاده يعذبوا الوحده اليييييين تولد طبيعي
قالت خلاص احنا نشوف يمكن ان شاء الله توصلي التاسع
وتولدي هنا عندنا..
يعني معقوله ي بنات مافيه حضانه كويسه
فالمواساه ؟؟؟ طيب أعطوني مستشفى تاني حضانتهم كويسه
ويستقبلوني حتى لو ولدت فالسابع ؟؟؟
وايش رأيكم فإبرة الرئه هل تسرعت لما اخذتها؟؟؟
وجزااااكم الله خير الجزاء
وادا فيه اخطاء إملائية موش مني من الجوال..
شاركي في النقاش
سجلي الدخول لإضافة تعليق.
التعليقات
10- حبيبتي انا اشوف كلام دكتوره ماجده عين العقل
صحيح اني اكره مستشفى الولاده ولا اتمنى ادخلها ثاني انا كنت اتابع عند دكتوره ماجده وربنا اراد اني اولد قيصري في مستشفى الولاده
المهم اول شي كويس انك اخدتي ابرة الرئه عشان لو لا سمح الله جاتك ولاده مبكره يكون وضع البيبي تمام مايتعب
شي ثاني مستشفى الولاده افضل من ناحية امكانيات الحضانه للاطفال الخدج او اللي محتاجين عنايه خاصه
هذا رأيي واتمنى تشوفي مصلحة طفلك اول شي - و عليكم السلام و رحمة الله و بركاته
إبرة الرئه اذا ما نفعت ما راح تضر و الحمدلله انك اخذتها
لان لا سمح صارت معاك ولاده و ما قدرت تأخذيها يمون الطفل لان الرئه تكون مقفلة
و بالنسبه للحضانة بمستشفى المواسآه كثيييير ناس قالوا لهم كذا و كمان اذا فيه مشكله في المشيمة برضوا يقولوا روحي الولاده
و بعدين الولاده تساااااهيل من رب العباد يعني لا دكتور و لا مستشفى راح ينفعك به ام الوقت غير ربك
و مدام نصحك بالولاده لا تفتكري بحملة و بعدين تندمي
و الله يتمم لك على خير - مدام نصحك بالولاده لا تغامري بحملك و بعدين تندمي
- جزاكم الله خييير أخواتي
منجد طمنتوني وريحتوني الله يريح بالكم ي رب
يعني مالنا غير عذاب الولاده..
يلا الله ييسرها ي رب ويسخرلي ولكل حامل
القلوب الرحيمة.. - اتوقع قالت لك كذا عشان التكلفه الماديه انا حامل بتؤام ومجبره علي الولاده عشان الحضانات تعرفي التوائم يحتاجوا حضانات لو اسبوع والتكلفه بالمستشفيات الخاصه تحسب باليوم يعني ممكن تدفعي مبالغ كبيره جدا لذلك الطبيبه نصحتك بالولاده في حالة جاتك ولادة مبكره بس اذا عندك تأمين طبي اطمني واولدي باي مستشفي لان مستشفي الولاده نفسها لمن تنزحم عندهم الحضانه يعطوك تحويل للالماني والدار..
مواضيع مشابهة
تابعي تجارب أخرى من هذا القسم.