ممكن اسماء العاب تعليميه للأطفال

سبق نزلت موضوع عن تعلق الأطفال بالايباد و التلفزيون
حاليا ابي اعرف وش اشتري من كتب والعاب
تنمي ذكاء الطفل ويتعلم امور كثيرة وتبعدة عن الاجهزة
بنتي عمرها سنتين ونص واول طفل لي ماابي اروح اشتري شى مايناسب سنها
عطوني اساميهم بحيث لو ماقدرت اجيبها اطلبها من ابوها او ايىشخص ثاني ووين يمكن الاقيهم

6 تعليق 3,945 مشاهدة

شاركي في النقاش

سجلي الدخول لإضافة تعليق.

التعليقات

6
  1. @bayaa_almsk

    على بالي تبين العاب تعليميه للايباد والايبود
    زي تعلم الحروف العربيه والارقام والالوان والحيوانات
    امسحي كل الالعاب ونزليلها التعليميه ذي مو كثار بس حلوات راح تكرهه الايباد هههههه مثل بنتي


    اما فيه بابا سلام اكيد تعرفينه اللي لعبه زي الابتوب بس اذكار وقران وادعيه الخ مدري انواع
    وفيه التركيبات المكعبات
    والحلقات الملونه
    اللي تحط كل لون مع بعض
    والتركيبات حلوات جيبي مكعبات كبار شوي واللوانهم حلوه راح تندمج بالتركيب
    جيبيلها دفتر او كراسه واللوان تشخمط
    العرايس وملابس عرايس
    اللعاب مواعين وطبخ
    واللعاب للشعر
    فيه مكياج للاطفال بسنتربوينت مانصحك فيه بنتي جتها هديه وانا ماحب هالامور قامت تلون وجهها وتاكل منه ارتحت يوم رميتهم
    اللعاب طبيبه

    الاطفال يحبون هالالعاب مثلي يوم كنت صغيره البنات هذي اللعابه
    علميها الامومه واحب الطبخ وكل امور البنات
    مو كل شي حروف وارقام
    ماضرتنا ايامنا هذولي اللعابنا واسنع من بنات الحين 😂


    ومدري هذا اللي انا جبتهم لبنتي
  2. اول شي واهم شي اذا بغيتيها تنسى الايباد طلعيهاا تلعب في التراب كثيير سبحان الله يسحب الطاقه السلبيه اللي خلفتها الاجهزه


    الشي الثاني انا العب على بنتي اخلي الشحن عشرين بالميه ان كثر واخليها تلعب شوي لاطفى اقولها مسكين نام ومع الوقت صدقتني

    جيبي دفتر والوان وجيبي العاب بنات عروسه

    مواعين بنتي ذبحتني عندها كل يوم ترصها وتحط فيها اكل وتعزمني هههههههه وانا امشي واغسل من وراها كنه ناقصتني المواعين الصدقيه


    خليها تساعدك في البيت سولفي معهاا كثيير

    الله يعيننا على التربيه بذا الوقت
  3. صاحبة الموضوع
    مشكورات ماقصرتوا
    ماويه على التراب
    بس اروح لهلي اخر الاسبوع وبروح لمزرعة ابوي تلعب بترابها
    الايباد بعد كلامكم بمسح كل شىى وسبق حاكه برامج تعليمية ومسح الاستوب ذبحتتي بالظغامرات يروح5 وقتها كلها فيه5تحب الاميره صوفيا وقالوا تجي براعم وش الوقت
    اذا تعرفون اوقات مغامرات حلوة علموني
  4. @alrym_allaaob_1

    جيبي لها صلصال ومكعبات وعرايس ودفاتر واقلام ودفاتر تلوين و الوان والعاب ادوات المطبخ وكتب مصورة بالحروف واﻻرقام وهي تلونها ..
    انا زيك ما افكر اجيب اجهزة لبنتي هذي اﻻلعاب تنمي مهاراتهم وذكاءهم اكثر ..
    لما تكمل ثﻻث ابدئي حفظيها القران ابدائي من قصار السور كرريها معاها

تابعي تجارب أخرى من هذا القسم.