تجمع التباشير (( 7 )) لي احلا مواليد سبتمبر & اكتوبر

والله يابنات مهما اوصف لكم الوضع ماني قادره انقل لكم الصوره بالضبط

شي مب طبيعي وانا الي بي كافين وزوووووود
ظهري تعبان وتعبت من هالولد ماغير اجره واسحبه واشيله بعد
قسم بالله حاسه ظهري انقص
ونفسيتي تراب وبس اصارخ
عنيد بشكل وحركي مايهمه احد
واختي تسلطت عليه
اي شي يضيع تقول هو ضيعه وتقعد تصيح وتألف قصص عليه وتكذب وتضربه ويضربه
وشيل وحط

انا مااتحمل هذا كله
وانتم تقولون خلي ابوه ياخذه
اخذه كم مره بس مايطول عنده يصيح يقول ابي ماما
وحتى لو اخذه كم ساعه باقي الوقت وش اسوووووي

المشكله مب سهله
والله انه عويصه بشكل




باختصر بكلمتين

ماارتحت عند اهلي


الوضع مايساعد ابد

وهذا مب شي جديد
لي فتره مقلله زياراتي لهم مااستانس لاجيت وبس اتنكد
بس وش اسوي هذا حظي الحمد لله
و إن شــاء الله يكبر ويعقل مالي الا الله ثم الصبر ثم بيتي

هنو اذا فيه احد يضايقك عشان شقاوة ولدك
مثلاً كلام او شي
ما انصحك تجلسين
الراحة النفسية اهم شي

هنووو حمودي مثل فراس ولدي والله مااتهنا بشي برى البيت رحنا الجنوووب نغير جو ونزور اهل زوجي شفتي النكد بعينه هو ولدي يحوس ويخرب ويطفشني لدرجة اوقات ادخل انا وياه الغرفه اجلس لحالي من الضيقه صح هم مايهاوشونه ولاشي بس خلاص انا نفسيتي زفت منه ماصدقت نرجع البيت
اللي ابي اوصله لك الراحه النفسيه اهم شي للنفاس اصبري هالاسبوع وحاولي اذا هو من النوع اللي ينسجم ع الايباد خليه عندك واعطيه الايباد وخليه عليه واذا قوى حيلك روحي بيتك اسم انه لو يخرب ويكسر بيتك عااادي كيفه والله يهديهم ويصلحهم ويشرح لك صدرك

لا لا اهلي مايقولون شي
ماغير اسمع كلام من الصغار عادي بزران
بس انا تعبت من كثر مااقوم واقعد واشيل واحط
اغلب شي اقفل على نفسي بالغرفه انا وياه
همن يبدا موال جديد صراخ وملاحق وحنا بس بهالغرفه

كنك تتكلمين عني
اقفل علينا الغرفه عشان نرتاح شوي
والنفسيه وش اقول بس
اغلب الوقت بهالغرفه ومسكرين الباب وش حادني على كذا

والايباد اليوم كلمت زوجي قلت له يجيبه العصر
يمكن ينشغل به شوي
مع اني متوقعه تجينا مشاكل اكبر
اخاف يبدا يتهاوش مع خواتي عليه
بس بنجرب يومين او ارجعه
وانا بصبر هالاسبوع إن شــاء الله الين يصير لي اسبوعين عالاقل
لاني تعبانه والله ويمكن مااقدر ارقى الدرج 3ادوار صعبه
إن شــاء الله لاصار لي اسبوعين اتنشط شوي