كيف انظم وضعي مع البيبي الجديد والبيت كبير ؟

السلام عليكم
انا حامل ،،وجربت اربي اولادي في شقه يعني السنه هذي في بيت دورين ونظامنا اختلف عن السابق لما كنا في شقه صغيره كلشي قريب مني واذا نام اخليه في الغرفه واسمع صوته اذا بكى وكل شوي اروح اشوفه وغرفة النوم قريبه من المطبخ لما اسوي رضاعه ويخلص على طول اروح اغسلها لان المطبخ قريب عكس الان البيت كبيير ودورين وحاسه نفسي مخربطه مو عارفه كيف انظم وضعي مع المولود الجديد يعني نومنا بيكون فوق اذا بسوي رضاعه صعبه انزل تحت واصلا اخاف في الليل انزل :unhappy: ولو نزلت البيبي بيظل يبكي لين ماخلص الرضاعه من غسيل وتسخين الماي وبعدين اركب وبعدين يبي لي اغسلها والمطبخ وكل الخدمات تحت وانا ماحب اغسل شي في الحمام ،،وفي كل الاحوال كلنا في الليل فوق على الغرف وانا مانزل بس بعدين شنو اعمل مع البيبي تعرفون ان الشهور الاولى مانتحكم بالنوم ولا له وقت معين ،،:confused:وبعدين في النهار انزل تحت والبيبي كيف انتبه له وهو فوق ؟:confused: وتحت مافيه غرف ابدا ماعدا مجلس رجال ،،يعني حتى الاغراض الي بحتاجها طول اليوم وين احطها ؟ عادة اذا نزلت ماركب كثير الدرج متعب جدددا .. ابي اعرف الا بيتهم كبير ودورين كيف تنظيمكم ؟

8 تعليق 1,260 مشاهدة

شاركي في النقاش

سجلي الدخول لإضافة تعليق.

التعليقات

8
  1. سهله حبيبتي عبي ترمس يحفظ الحراره وعبيه مويه حارره وجيبي الحليب ومويه صحه خليها في غرفه البيبي عندك فووق وخلي كل شي قريب
  2. جيبي رضاعات كثيره وترمس مويا حار او غلايه وخليهن بغرفتك مايحتاج تنزلين وبالنهار اذا عندك صاله تحت خليه فيها 
  3. @rhof_2

    الله يعينك
    بالنسبة لليل خذي مجموعة رضاعات مغسولة ونظيفة وعلبة حليب وترمس موية
    وسوي له بالليل رضاعات بدون ماتغسلين شيء
    واذا قمت الصبح خذي الرضاعات وغسليها

    بالنسبة للنهار عندك حلين يا تنزلين ولدك معك تحت اذا ماتبغين تطلعين وتنزلين
    وانا ما أأيد هالشيء خصوصا ان ماعندك جلسة تحت مافيه غير مجلس
    ممكن تخلينه فوق وتشترين الجهاز الي يراقب طفلك تشوفينه بالكاميرا
    تشيلينه معك وين ماتروحين بالبيت مثل الجوال لما تشيلينه ولما يصحى ولدك
    ويبكي تسمعينه بالجهاز وتطلعين له فوق وممكن تشوفينه بالكاميرا اذا البطانية
    مغطية وجهه او شيء تعرفين وانت تحت بدل ماتطلعين طول الوقت
    صراحة حلو مرة

تابعي تجارب أخرى من هذا القسم.