❤التجمع الثامن عشر (18) لأروع وأحلى حوامل نوفمـ11ـبر❤ديسمبـ12ـر(2014)

الله يسلمكم حبيابي ومشكورات
انا ماشيه معه عالتحاميل اللي هي خافض ومضاد التهاب
وهو متعبني كل شي اسويله بالغصب مايخليني اقيس حرارته عندي جهاز ابط وشريط الجبهه وهو يصرخ
زوجي كان قالي جهاز يقيس الحراره من بعيد وانا رفضت يومها قلت له غالي
بس ولدي خلاني اتندم ليتني جبته بدل هالصياح

ايوا بنج بخاخ
استخدمته بس اول يومين عشان بس يخف الألم وتعرف تنام

في صيدلي ادانا مويا معقمة مالحة من الصيدلية نطهر فيها الحرق
ونحط عليه شاش فازلين لانها كانت تحبي احيانا وتملي الجرح اوساخ
الشاش مايلصق ع الجرح لانه مشبع بالفازلين
بس ما استخدمت الشاش غير يوم واحد بس
فضلت انو يتعرض للهوا وينشف احسن

اما الميبو استخدمت كراتين بالهبل
حتى بعدما نشف الجرح كنت اسويه بكثرة عشان يخف الاثر

وطبعا عسل اصلي كنت اصبه ع رجلها لما تنام

وخليت احرام فرشته ع سريرها عشان الكريمات والعسل

هاذي صورتها مع الشاش
لصقناه بانفسنا في البيت

ام بتال
ايه نفس هالاعراض واكثر وعدم توازن وصداع فضيع وضغط في الراس وتنميل في راسي وجسمي وارهاق مااقدر اروح مكان وتساقط شعري وجفاف في جسمي ووو نقص الحديد متعب
اشربي عصير طماطم وبعده عصير برتقال يرفع الدم
وعسل اسود مذوب في ماي يرفع الحديد

انا كبر خشمي في حمل البنت
حتى اهلي وجاراتي قالولي معاكي بنت دام خشمك كبر

بنات
سامحوني اذا طوفت ردود لاني اضيع
اجمع ردود ولما ارد انسى مين وشو السالفه
فلكل كروشه تراني مااطنش احد
واللي عندها استفسار مهم تعيده وفالها طيب وانا اختكم