ردي على موضوع اللي تتضايق من اهل زوجها

في مجتمعنا للاسف ...

اذا كانت زوجة الولد طيبه اهل الزوج يستقوو عليها ويقسو معاها...

واذا كان اهل الزوج حبوبين ويشوفو زوجة ولدهم زي بناتهم تلاقي زوجة الولد تتمنذل فيهم ....

في إستثنائات طبعا لكن زي الطلاب المتفوقين قلة ....



الله يرزقك حياة سعيده بعيده عن المشاكل ...

اختي يوم جت بتملك .... مأذون الأنكحة سأل أبوي وش شروطكم عاد أبوي قاله سكن مستقل
جاء الشيخ قال أحسن شئ سويته لأن أكثر حالات المشاكل الي تجينا وبعضها توصل للطلاق اعوذ بالله السبب السكن في بيت واحد مع اهل الزوج

الشاهد من كلامي أفضل شئ تكون العلاقة رسمية عشان مرة الولد واهل الزوج يرتاحون من القيل والقال والحكي الفاضي

عشان يدوم الاحترام والود 

يوووو لا تدققين انا اذكر برمضان وحدة منزلة موضوع انا ام زوجها فتشت اغرفتها ورمت البهارات بوجهه وانا اول وحدة رديت وقلت لها اصبري وعامليها زين تري الدنيا سلف ودين واصبر عشان زوجك وان شاء الله اعيالك يكبرون ويبرون فيك لو تشوفين كمية الهجوم علي عشان ردي. ياليتنا نقتدي با الرسول علية الصلاة وسلام لما كان يوذية جارة اليهودي ويضع القذرات امام منزل الرسول علية الصلاة والسلام ولما خرج الرسول في مرة من منزلة ولم يجد القذرات سال عن جارة فا اخبروة انة مريض ماذا فعل الرسول عليك الصلاة والسلام ذهب الى جارة اليهودي لكي يزورة ويدعي لة بشفاء لو نقتدي برسول علية الصلاة السلام بمعاملتنا مع بعض كان الدنيا بخير

انا الحين جايتك بعد خمسه وعشرين سنه مو عشرين سنه بس
معاملتهم هيه هيه نفسها وامتدت حتي
لاولادي اللي هم اولاد ولدهم اصبحوا يعاملوهم نفس المعامله اهل ابوهم وينسبونهم لي بدل ان ينسبوهم لابوهم اللي هو ولدهم اي يقولون اولاد فلانه ويطردوهم والكبير فيهم اللي ملتحي اذا طلع من عندهم يبي شي من البيت وراجع وسايب جواله ومفاتيحه عندهم
عمته تسكر وراه الباب ولما يرجع تفتح عمته الشباك وش تبي ماني فاتحه قال افتحي طيب باخذ جوالي ومفاتيحي وبطلع قالت وينهم وانا اجيبهم لك من الشباك الباب ماني فاتحه بيتهم وبيتنا عماير دور ارضي وعليها حوش واحد والحين ابوهم نفسه منع عياله يروحوا لهم
امس زوجي مرسل ولدي الصغير يجيب نعناع من عندهم وحصل الشغاله واعطته كله وقسم بالله اني عرفت بيهاوشونها عشان نعناع
وقسم بالله العصر واخت زوجي تضرب فالشغاله ورمت ملابسها برا الحوش وجاء اخوها الثاني وهاوشها ورجع الشغاله جوه وخلته حتي راح ورجعت تضربها وترمي ملابسها برا وربي قلبي يتقطع عليها عذبتها تعذيب من امس
والمشكله ولدي حط النعناع بالفريزر وانحرق وسود كله خرب ولا كان رجعته لها تشبع استغفرالله
احنا سبع سلايف نفففس المعامله معنا ومع عيالنا معقوله كلنا السبع نغلط عليهم ناس معجونين بالخبث والحقد وربي لو بيدي اجيبك تعيشي بينهم شهر بس عشان تعرفي تدافعي عنهم صح
انا اضمن لك ماتخرجين من عندهم الا على مستشفي شهار
حتي مانعمم اكيد فيه ناس طيبين وناس هوشاتهم عاديه مطاحنة حريم عادي لكن اللي عندي لاااا وربي مو بس كلامي كلام كل الناس اللي تعرفهم خبث لاحدودله ربي عطاهم من هالفلوس واصبحوا يشوفوا الناس من فووووق لكن السؤال لييييش كل كمية البخل هذا فيهم
رغم انهم اغنياء انا عجزت افهمهم

ياليت الطيب ينفع بالناس


انا اكبر صدمة بحياتي هم اهل زوجي



الله يكفيني شرهم بما شاء


ولا يجعلني اذى مثلهم لعيالي و لزوجات عيالي بالمستقبل