السلام عليكم بنات
عسى دنياكم دووم أفراااح وهناء وسعاده
انا عندي ولد عمره سنتين .. عموما مايطق احد ولا يعتدي عليه .. مشكلتي في صرااااخه مع خواله
عندي اخوان ثنين صغار اعمارهم على عشر سنوات ويحبونه ويحبون يلعبون معاه
بس ولدي ما ادري وش سالفته يتدلع او هم اسلوبهم غلط
اللي يصير انه طول ماهو يلعب معهم يصرررررخ عليهم بشكل لايطاق
مثلا اختي تمسك لعبته تبغى تمثل بها وتلاعبه بها يصررررررررررخ باعلى صوت يحسبها بتاخذها
وعلى هالموال في كل صغيره وكبيره راسي امتلى صراخ
انا الاحظ عليهم اخواني الصغار اسلوبهم فيه نوع استفزاز احيانا اسمع اخوي يقول لولدي مثلا ( انت وععع) ويزعل ولدي ويصررررررخ
او ياخذ لعبته وهو يلاعبه ويقول اللعبه حقتي ويزعل ولدي ويصرررخ
يعني ولدي عصبببي جدا مايعرف مزح
نفسي يتعود على اسلوب لعبهم لاني ما اقدر اغير من اسلوب اخواني ما احب اهاوشهم ابدا واقولهم لا تستفزونه لانهم بسم الله عليهم موب سيئين يحبووونه ويتمنون جيته دايم
ابغى اسلوب مجرب يخلي ولدي رايق .. يلعب معهم ويتهاوش معهم بمزح من دون صراااخ وزعل
حتى ابوه وتعرفون لعب الرجال كيف .. فيهم جلافه وجفاسه .. ولدي يصرررخ عليه ويتركه ابوه ماعاد يلعب معه من صراخه
عكس واحد من اخواني اصغر من ولدي .. ويتهاوش مع ابوي ويشد ابوي شعره وهو يشد لحيته ( يلعبووون مع بعض ) ولا يزعل بالعكس يعرف ان ابوي يلعب معه يضحك ويستانس ويستفرس عليه ههههههه
شاركي في النقاش
سجلي الدخول لإضافة تعليق.
التعليقات
3- نفس الحاله بنتي عمرها سنيتين وخوذي وخلي من الصراخ الله يهديها
مفشلتني وسيله الدفاع الوحيده عندها الصراخ . . - ههههههههههههههههههههه الله يهديهم بعدهم صغار بس خلي اللي حولهم مثلا اخذو اللعبه مايعطونه عشان صرخ هو حط ان الصراخ وسيله ونفعت معه بس متى ماحس ان هالخطه فشلت راح يوقف
- طبيعي هالعمر يبدا الصراخ بعض الاحيان يكون متنفس للطفل وبعض الاحيان وسيله دفاع اذا هو شاف انها جابت نتيجه هالعمر ما يعرف يميز لكن عنده حب التملك كل شي يعرف انه ملكه مايبي احد يلعب فيه او ياخذه واغلب هالحالات تكون مع اول طفل لانه يكون لحاله طول وقته بالبيت وما تعلم المشاركه مع احد بالعابه وممكن تكون غيره اذا كان ولدك شافك مثلا تهتمين بخواله او حتى مثلا حضنتيهم ممكن يغار ويصير مايبيهم عموما انت ممكن تراقبيه وتعرفي لكن هو شاف ان الصراخ فيه نتيجه واستمر عليه اذا صرخ حاولي تنبهيه وتفهميه انه سلوك خطا وانت ماراح تستجيبي له مره ثانيه اذا صرخ علميه انه يجي لك ويعلمك وش فيه او وش يبي حتى لو انه ما يتكلم زين انتي ساعديه عشان تعرفين السبب واذا عادها نبهيه انك راح تعاقبيه وبالفعل اذا عادها عاقبيه وعقابك خليه يجلس في مكان بعيد عنكم مده دقيقه او اثنين حتى لو قعد في المكان اللي عاقبتيه وجلس يصارخ طنشيه انا انصحك تشوفي هالاسلوب عاليوتيوب في سوبر ناني وراح تشوفين كيف يتطبق انا اطبقه بالروضه وبالفعل ممتاز ويؤدي المطلوب والله يوفقج
مواضيع مشابهة
تابعي تجارب أخرى من هذا القسم.