لعيون رضيعي التعبان ادخلو محتاجتكم

السلام عليكم

بنات كيفكم ...


رضيعي عنننده اسهال له 4 اياااام


حليبه كان بليميل بلس. وبعدها غيرته بلينيل بلس كمفووورت حق الغازات ومانفع معاااااه كله بكاااا طول الوقت


واخذت له حليب رونلاك وصاار يرررجع كل شوووي ومايرضع الرضعه كامله

ورجعت عطيته بليميل اي ار حق الترجيع

والحمدلله مافي بكاء بس اسهاااال من 4 ايام.... والمشكله انو اليوم اخذت له بليميل العادي وجلس صياح 3 ساعات


ورجعت رجعت له اي ار والحمدلله رضع ونام...
انا ادري اني لعبت فيه بس ادور الشي يريحه وقت لقيت جاه اسهال

انا الحين ابغا علاج اذا موجود بالصيدليه لرضع ولا اعشاب تهجد بطنه. مره اسهال زي المويه في اليوم اكثر من 6 مرات ومو عارفه كيف اتصرررف ... والدكاتره ماعندهن سالفه بيغيرو حليبه .....


الي مجربه الأسهال عند رضيعها لاتحرمني ردها بنتظارررررركم

14 تعليق 1,627 مشاهدة

شاركي في النقاش

سجلي الدخول لإضافة تعليق.

التعليقات

13
  1. @sosh_am_shoshh

    هلا اختي  الله يشفيه  ويخليه لك بس انا مستغربه وماالومه صراحة اذا عنده اسهال كم حليب جربتي  حرام  5 انواع وماتبي يجيه اسهال كل حليب وله تركيبه معينه وهو ياعيني صغير مايتحمل اذا بتجربي معاه  على الاقل  شهر  وغيري  
    الحين خليك على نوع واحد  حتى لو استمر معاه اسهال  لاتغيرين له شوي شوي وبإذن له باطنيته راح تتعود عليه  

    الا بسألك كم عمره
  2. @hnooo_10

    طيب اصبري عليه لين يتعود ع حليب الترجيع
    اصبري اسبوع الا اذا زاد الاسهال اكثر من خمس مرات باليوم غيريه ولازم تصبرين شوي كل ماغيرتي له حليب لين ياخذ عليه اكيد اول ثلاث ايام يا امساك يا اسهال يا مغص ياترجيع
  3. @graah_tfaol25

    و عليكم السلام ..

    لا تزعلي من اسلوبي الدكاترة ما عندهم سالفه و انتي ؟؟

    الله يسامحك كم حليب غيرتي ما لحق يتعود

    نطيتي لنوع ثاني ..

    اولا و قبل كل شي كم عمره ؟؟

    شوفي سبب الاسهال و عالجيه يمكن نزلة معوية صابته

    و يمكن تسنين .. علاج المغص و الغازات غير

    و علاج الاسهال غير

    راجعي دكتور ياخذ عينه من البراز و يحللها

    بيعطيك علاج اكيد و محلول عشان لا يجيه جفاف

    لو طلع السبب من الحليب وقتها خليه يصرف له نوع مناسب

    انا ولدي كتب له الدكتور بريميلاك Fl يعني

    خالي من اللاكتوز عشان الاسهال

    و لما وقف الاسهال وقفته

تابعي تجارب أخرى من هذا القسم.