مشكلة ولدي واسهال التسنين ساعدوني

السلام عليكم ولدي تو دخل ثمان شهور وتعبه الاسهال من الاسنان وماطلعت للحين غيرت الحليب لحليب الاسهال وخف عنه ورجعت حليبه الاول الحين ورجع الاسعال احس جسمه نحف ولا استفاد من حليب الاسهال وزنه ماتغير الا نحف وعيونه صارت بارزه مدري وش اسوي عشان يقف الاسهال عنه وجزاكم الاه خير

7 تعليق 33,128 مشاهدة

شاركي في النقاش

سجلي الدخول لإضافة تعليق.

التعليقات

6
  1. صباح الخير عزيزتي شوفي كثري للولد من السواءل لاتروح موية جسمه مثل المويةحطي برضاعته مويه وخليه يشرب وعصير تفاح فقط وعشان يوقف الاسهال زبادي فكي عليه من اكياس الشاهي ليبتون كيس وحدة وحركيها واكليه يمسك بطنه باذن الله وبالنسبة لمنطقة الحفاظ لايتقطع لحمه غيار بنشاء مرة ومرة بزيت الاكل موب زيت زيتون لا الزيت اللي تطخين فيه مثل عافيةة دوار الشمس يشيل كل التسلخات واشتري من العطارة محلب قولي ابي محل بخمسة ريال مطحون لونه ابيض هو اخمري شوي في بيالة وخذي من مويته وبودرته وافركي لثته سبحان الله العظيم فايديتين فيها الاولى لاراحت موية المحلب بطنه وقف اسهاله والثانية يشق السن مايحس بالالم هذا طبي في عيالي الله يخلي لنا ولس وباذن الله تدعيلي ان الله يحفظ لي ذريتي وزوجي واهلي ولايوريني فيهم باس ياااارب وذريتس وجميع المسلمين
  2. سوي الآتي :
    عطيه مرة منقوعة نصف ملعقة مع عسل ملعقة صغيرة ثلاث مرات في اليوم
    لا تعطينه ماء الشرب العادي ولكن عطيه محلول الجفاف بدل الماء اسقيه ملعقة صغيرة كل شوي
    عطيه أرز مسلوق مع شوية نشا في غداه وعشاءه
    اخلطي نصق زبادي بثومة وعطيها منه العصر أو المغرب .
    ابتعدي عن عصير البرتقال أو التفاح
    وممكن تشربينه عصير العنب الطبيعي مفيد للإسهال وعصير الجزر .
    إن ما تحسن بعد هذا الي كتبته لك فبعد يومين
    استعملي كابتين من الصيدلية خذيها استعملي منه يومين أو ثلاث فقط .
    وراسليني على الخاص لأي تطورات
  3. @alohydh_16

    استخدمي علاج اسمه كابتين
    ممتااااااااااااااااااااز
    بعد كل غيار حفاظ ملعقه
    يجنن يثقل البطن وتخف عدد مرات الاسهال وطعمه يانسون
    انا استخدمته لولدي والحمدلله اذا متأكده انه تسنين
    وشربيه سوائل كثير وشوربات بطاطس مشويه
    موية رز مصري
    ولو جاه التهاب حفاظ وهو غالبا ما يرافق الاسهال
    cortiderm1%
  4. @ana_oantm_hna

    وعليكم السلام ورحمة الله وبركاته
    انا طفلي جاه إسهال بسبب التسنين ودورت هنا بعالم حواء عن علاج الإسهال 
    وجزاها الله خير وحدة من الأخوات كاتبه هاتي لبن زبادي وحطي عليه شاي ناعم او الشاي الفتله فكي الكيس وحطي ع اللبن والله والحمدلله وبفضل الله ثم الوصفه هذي الحمدلله ومن اول مره خف الإسهال الحمدلله وكثير استخدموها ونفعت معاهم كبار وصغار من اللي حولي

تابعي تجارب أخرى من هذا القسم.