مشكلتي مع الرز البسمتي الله يعافيك،،

اتبعي التعليمات الموجودة في خيشة الرز

أنا يصير هريس

مافيه مثل باب الهند بس يبي له اللي يعرف له
اولا انقعيه بمويه حاره
ثانيا حاولي تزيدين السمنه شوي
ثالثا المويه فوق الرز شوي ولما يغلي غليان قوي قصري عليه اقصر شي وخليه مغطا اقل شي ربع ساعه لاتفتحينه ولاتحركينه
بعد ربع ساعه جهزي الحشوه وحطيها على الرز مع ملعقة ماء الكادي وغطيه
خليه عشر دقايق عقبها اغرفي الرز وتمتعي بالطعم
وبالعافيه مقدماً

جزاكم الله خير الجزاء على التفاعل راح اجرب واكيد راح ارد لكم خبر

باب الهند او ابو كاس او اي نوع واغسليه زين انقعيه بمويه دافيه اول شي مع شوي ملح وفلفل وحبات هيل وغطيه اقل شي ربع ساعه واذا صفيتيه وحطيتيه حطي مويه ودخلي الملعقه وسطه خلي المويه بس ترتفع سانتي من مسكة الملعقه وغطيه وارفعي عليه النار واول مايشرب المويه الي فوق ويصير فيه شوي تحت قصري النار وخليه ساعه