هل من حق الزوج ياخذ جوال زوجته ويقلب فيه(مناقشه هامه)

صباح الخير ياجميلات
كيفكن عساكم بخير

امس سمعت من صديقاتي ان وحده تهاوشت مع زوجها وراحت لبيت اهلها
والسبب
ان جوالها كان بالشاحن وكان زوجها بنفس الغرفه واخذ الجوال يبي يلعب العاب موجوده فيه
وبعد ماجت الزوجه ولقت جوالها معه زعلت وجلست تصارخ وتقول مو من حقك تاخذ جوالي ولاتمسكه

استغرب الزوج من كلامها وصارت الهوشه
وصار الكلام حتى وداها عند اهلها

سبحان الله انا اشوف المشكله جدا تافهه
لكن الشيطان ملعون وقدر يدخل بينهم
اسال الله ان يرجعون لبعض ويوفقهم


ودي اسالكم خاصة المتزوجات
هل زوجك عادي ياخذ جوالك والا فعلا الموضوع فيه حساسيه ؟؟؟

68 تعليق 12,550 مشاهدة

شاركي في النقاش

سجلي الدخول لإضافة تعليق.

التعليقات

65
  1. @amy_yatag_rasy_1

    والله شوفي
    اذا العاب عادي

    لكن واتس رسايل أشياء فيها خصوصية شوي
    يعني خط أحمر


    الله يصلح حالهم ويبعد الشيطان عنهم
  2. @saaadty_bstghfary

    بالعكس احس شي عادي يفتش جوالي وافتش جواله ..
    لأن الحمدلله الثقه موجوده
    ولو فرضآ رفضت اخليه يفتش جوالي اكيد بيشكك فيني ويقول جوالها فيه بلاا اعوذباالله
    فالي اشوفه مافيه خصوصيات بين الزوجين اذا كانوا من البدايه متفاهمين..
    هذا رأئيي ؛
  3. @aamh_koshh

    انا عادي افتش بجواله وهو بعد بس قروب العائله واهلي واهله بالواتس لا بس يلعب يشوف البرامج وبس والثقه موجوده بينا
  4. @bhralaan

    واثق الخطوة يمشي ملك خلي يفتش مثل مايبي الا بحاله اذا الزوج عيونه زايغه وتخاف يعرف ارقام صديقاتها هذا شي ثاني

تابعي تجارب أخرى من هذا القسم.