فيني شرهه على امي والحال الي وصلتنا له

ابوي لو تكلم تاكله بقشوره دايم توقف بوجهه اذا جلس ينصح ويهاوش علينا دايم تسكته
واخوي مو كبير عمره 23 سنه وعلى الفطره لين هين التعامل معه سهل بس هي مافكرت تتعب نفسها
الي طيح اخوي بمشكله هو طيبة قلبه الزايده وانه انسان صادق وطيب وطاح بناس ماتخاف الله
ولو ابوي نصحه تهاوش ابوي انك نكدت علينا وتمن علينا عشان المصروف ووو
ولو انا نصحته وجهها يقلب الوان وتعتبرني اتفلسف واني تزوجت وتكبرت عليهم واني اذا نصحت اخواني كأني اقول انتم يااهلي ماعرفتو تربون وووو

كل عمري كنت اتمنى اتخصص بالجامعه بتخصص معين هي رفضت وكانت تقولي لا انتي ماتقدرين هالتخصص صعب ادخلي اي شي اصلا بتتزوجين وبيجيك الي يصرف عليك
عمرها ماوعتنا على مستقبلنا !
انخطبت قلت لها يمه ماابيه ماحبيته ! قالت انا استخرت وارتحت له وكيفك تزوجي لو ترجعين بعد شهر اهم شي تاخذينه :(

اذا تكلمنا بالدراسه والمجموع والتخصص ماتشجع ابد بالعكس تحطم وانو اصلا مو لازم جامعات ادخلو العسكريه وش فيه الجندي !

حتى مره كنا بااجتماع حريم وكانو يتكلمون عن عيالهم والاختبارات امي قالت وشوله مبلشين عمركم ترا مافي احد الحين يسقط بيمشونهم
الحريم قالو لها حنا مانبي نجاح وبس نبي مجموع زين عشان يدهلون جامعات زينه نبي لهم مستقبل يشرف:rolleyes:

الله يعينكم ويصلح حالكم ويهدي امكم

استغفر الله العظيم واتوب اليه
انا استغرب من بعض البنات لمن تجي وتحط موضوع وتقول بفضفض لكم وتسب في اغلى الناس وعن مين عن اﻻم
يابنات والله والله لو فيه بر ب امهاتكم ماكان شفتو وحده كاتبه عن امها البر بالام الحين اختفى او انعدم اﻻ من رحم ربي

والله العظيم انك كما تدين تدان اي وحده جت وكتبت عن امها راح تجي بنتها وتكتب عنها هنا اﻻ من رحم ربي

خافووو ربكم بحلوووة اللبن
حملت وكبرت وسهرت
وهذا الجزاء

انا مااخصك وحدك ﻻ انا اتكلم عن كل وحده جت تفضفض عن مشاكلها مع امها ..........

والله مدري وش اقول لك ..... انا تعلمت من الحياة وهي اللي علمتني .. وامي اميه بس احبها حد الجنون وعاذرتها لانها ماتعلمت وتزوجت صغيره مالها اي ذنب وانا واخواني وخواتي تعلمنا من انفسنا وقمنا بأنفسنا وغلمنا بعض بس انا اخذ امي بالسياسه والحب
مصادقتها انا ما انتظرت هي تصادقني انا بديت يوم تعلمت اننا صادق امهاتنا ..... دايم اصلح قهوتنا انا وخواتي ونتجمع معها ونعلمها نقول يمه بنصلح قهوه وحلا ونجلس جلست سوالف يالله يمه تفرح عاد ونجهز كل شي وناخذ ونعطي واخذ رايها لو فيه غلط اصححه بطريقه ذكيه ما اجرحها فيه واجيها من جانب الدين ......... ومعلمه خواتي واخواني ما تلومون الا انفسكم انتم كبرتم خلاص من عمر 15 تعلمو وعلمو بعض كلنا في مدرسة الجياة نتعلم ... بس فيه حاجه حلوه هي اللي نفعتني بحياتي وحياة اخواني القراءة والاطلاع انا اول وحده حبية القراءة وقراءة وتعلمت وعلمت وامي كانت تدعي راعية دعاء ودين الله يخليها لنا ولايحرمنا وجودها .......... وترا انا الكبيره وكل تجارب الدنيا جت فيني ولاسمعت نصيحه ولادخلت الجامعه بعد بسبب نسبتي وان مافيه موجه على قولتك ينبهني بس بعد مافهمت وتوعيت دخلتها انتساب والحين باخذ دورات حاسب وانجليزي و علمت اخواني ووجهتهم بالاخطاء اللي وقعت فيها ونجحو كلهم وشقو طريقهم وكلن اخذ صفعته بهالحياة وتعلم منهم وطاح ورد قام وكمل طريقه......... بس ما الوم امي مالها ذنب ماكانت تعرف ولا تدري عن هالامور اخطائة لجهل خلاص ما اجلس احط الوم عليها انا بعد اخطائة ............


فا انت خلاص لاتلومي امك وابوك ,,,, كبرتو خلاص انت تعلمي وعلمي اخوانك وانصحيهم مو لازم قدامها بينك وبينهم والواتس يقوم بالخدمه رسائل بطريقه غير مباشره ارسليها لهم في قروبات وارسلي لهم ولامك بادب والنصيحه يتقبلونها الناس اذا بادب وحب وماهي مباشره ولاتنسي الدعاء ....

انا الحين مستغله الواتس ارسل لهم رسائل تذكير وفيها حب ونصائح من كتب ومن مواقع مفيده في كل الجوانب حتى زوجي يوم شافني بالانستقرام وانا اصلح لهم منشن لمواضيع مفيده قال انت اعظم اخت ماتنسين اخوانك ......... انا اهم نقطه بحياتي ما الوم امي ولا اخواني ولا خواتي ولا زوجي ولا احد خلاص احنا كلنا نتعلم وبنغلط وبنقوم ونتعلم بعد ,,,,,, مني مخليه الناس واهلي شماعه لأخطائي وهذا اللي بعلمه لعيالي بعد,,,,


ونسيت اقول ان ابونا متوفي من يوم احنا صغار ,,,,,,, وحياتنا مشت وربي يسرها ولله الحمد مرينا بضروف واكلنا من هالصفعات وكملنا بس القرب من الله اكبر حل والدعاء ,,,,, هذي رساله للي يموت زوجها او ابوها ويحسو الدنيا وقفت سبحان الله ربي ييسر الامور اذا كنا معاه