الدكتوره سوت لي بلوك بالواتس

أنا اعيش بمحافظه و زوجي موظف وعايش بمحافظه صغيره والامكانيات فيها بسيطه
عشان كذا اسافر لاقرب مدينه عشان اتابع الحمل والتبويض والتحاليل
زوجي مشغول وعندو التزامات يعني مو كل شوي نسافر مع العلم انو المستوصف الللي اتعالج به في المدينه اللي جنبنا يبعد تقريبا 250 كيلو متر
يعني خمس ساعات سفر روحه وجيه

من شهر اربعه اتعالج بس برمضان رحت شفت التبويض من دون علاج طبعا سبق لي التنشيط عند المستوصف مع الدكتوره اللي اتابع معاها ولاني بعيد اعطتني رقم جوالها عشان اتواصل معها

امس ارسلت لها واتس اسالها ينفع اسوي تحليل هرمون الحيب باليوم السدادس للدوره
قالت ينفع مع انو الافضل الثاني او الثالث يوم من الدورة

سويته اليوم عندنا بمختبر بالمحافظه وقال انو النتيجه 37
يعني مرتفع
وانا كنت ناويه اروح للدكتوره اشوف التبويض من غير تنشيط

ارسلت لها وماردت
وهذا كان نص رسالتي
السلام عليكم
دكتورة سويت تحليل هرمون الحليب اليوم السادس من الدوره وكانت النتيجه 37
ايش تنصحيني
اسم الدواء وطريقة استخدامه
وابغى اجيك باليوم 13 اشوف التبويض
ابغى مواعيد الدوام
والشعر الجاي بإذن الله حبدأ تنشيط من جديد

ارسلت عليها الساعه 5:13

وشافت وماردت والساعه
6:46
ارسلت
!

وسوت لي بلوك
حسيت بخنقه عبره بعيني (انكسحت ) وحز بخاطري
وما انكر انو دمعتي كانت حتنزل بس مانزلت

ليش تكاثرت ترد علي
معقول ازعجتها .... الإقبال عليها مو هاك الزود بس انا ارتحت لها لانها منقبه ومتدينه وكل شي تقول بامر الله
حتى زوجي كان يقول ليش نراجع عندها مراااا بارده بس انا كنت اقول شكلها متدينه يعني ماراح تستغلنا

بعد البلوك
ارسلت لها رساله نصيه

شكلي ازعجتك
اعتذر
بس انا من مريضاتك
"من كان في حاجة اخيه كان الله في حاجته "
على العموم شكرا