شاركي في النقاش

سجلي الدخول لإضافة تعليق.

التعليقات

766
  1. مرحبا طبيزات
    شلونكم وشخباركم .. يالله نبتدي بلردود وحده وحده لان حنو قاعده ما بخليها بروحها بس بحاول ارد على كل وحده

    حبيبة زوجها... شكرا على لاسؤال يختي والرد ما قصرتي امي صارت الحمد لله احسن من قبل لكنها للحين تحس بدوره .. ربي يشافيها جنة الدنيا

    ام جواد.. هاه اجوف طلعات ينحيسه خخخخخ.. وحده تبغي الطلعات كل لها ... اهم شي غيرتي جو اي والله يختي تحريتج الى الساعه 1وربع بس اليوم قعدت من الصبح خبرج اودي الشغاله تنظف بيت ابوي

    ابلتنا دفى... هلا عيوني شلونج وشلون بنوتتش ... والله اقول بشتري وما اجوف الا كل هدايا تجيها جاها لبس كثير من كويت وقطر .. ووااااااااااااااااااايد روعه .. وانا عندي مشكله بنيتي صغنونه ما الاقي قدها مدري شسوي!!!

    زوجي الغالي.. اي والله صدقتي ان حركاتهم تهبل والله اني اقعد اتكلم مثلها وتقعد تضحك لي ودي اكلها نم نميه ...

    نبض.. هلا اختي وينج تطولين علينااااا لكن معذوره البيبيات ما يقصرون فينا ...

    عالي مستواها.. أمي الحمد لله صارت احسن من قبل وصدقتي ان التنظيم بالنسبه لنوم الطفل شي مهم عن جد ترتاحي نفسيا وجسديا .. بالنسبة للتطعيم بكره انشاء الله موعدها وموعدي وراح اخرق وذنها مره وحده .. بس عاد بعطيهم بنتي وبخلي ابوها وبطلع مالي قلب اجوفهم يطقونها ابره ....بالنسبه لخلاصه التمر انا هم اعطي حنين صار لي يومين واحسها تحبه وايد حتى لما تكمل تطلع السانها برى تجوف كان فيه نقطه منيه والا منيه ههههه رزيله البنت
    يالله الاقيكم بعدين ...

    الغايبات عسى المانع خير يارب ننتظر رجعتكم
  2. @nada_rose

    هلا بنات يسعد مسا الامهات الحلوووين
    شخباركم انشالله كلكم مع بيبياتكم بخير
    انا اليوم مادخلت عليكم الا متأخر،،لأن اليوم أخذت لي لفة على المستشفى لي ولزوجي ولجواد
    انا،،لأن عقب الاربعين كان عندي موعد بس دكتورتي سافرت وماحبيت ادخل عند غيرها والحمدلله كل شي عندي كان اوكي
    زوجي مريض وعنده انفلونزا وعاد ابو جواد مرضه قوووي شوي امس واليوم كان تعبان فراح المستشفى وعطوه العلاج

    جواد الله يسلمه عنده حساسية في جسمه منتشرة في وجهه ورقبته واكتافه،،ورحت معاه وكمان اخذنا العلاج وانشالله تختفي هالحساسية متعبته حيل والله

    انتو شخباركم وحشتوني كلكم يالغاليات ووحشتني اخباركم
    وماشاء الله عليكم متجمعين والملف منور بالردود عقب ماكان راكد فترة
  3. السلام عليكم ...
    هلا بنات وامهات .. أخبـــــــــــــــــــاركم؟

    قهر لما كتبت ردي الاول وجيت ادخل اليوم الثاني على النت لقيت الخط مقطوع قال ايش قال ما سددتوا الفاتوره .. لا وابشركم الفاتوره طاقه الثمان ميه وزياده .. قعدت اترجى زوجي يسدده واخيراً رحمني وسدده ..

    أولاً / مشكوره يا أم هديل وأم جواد وحبيبة زوجها وعالي مستواها .. ومن بعد من بعد .. كل اللي جاوبوني بدون تخصيص ..

    (عالي مستواها )
    بما أنك جربتي الحبوب وش عيوبها ؟ .. تسبب كلف واسمرار وتسمن ولا لا ...
    والأهم من هذا كله توصخك (على ما قالت حبيبة زوجها) ولا لا .. لأن اختي تقول حاست عليها الدوره ولخبطتها .. وبهذلتها .. وانا بصراحه ما لي خلق على هالحركات نص كم.. انا بس ابي الدوره تجيني وخلاص ابقدر انظم بطريقة العد لأني كنت ماشيه عليها قبل احمل والحمدلله ناجحه معي .. بس متى تجي هالدوره متى وافتك ..

    (حبيبة زوجها )
    أخبارك حبيبتي .. المتدى منور بوجودك ووجود كل العضوات .. الله يشفي زوجك ويعافيه .. ما كتب لنا نتهنى بالصيفيه هذه .. انتي زوجك مرض وانا مابقي شىء على عودة المدرسين .. قررنا في الاخير انا وزوجي نحجز للمدينه المنوره بس للأسف تأخرنا في قص التذاكر والغوا حجزنا حسبي الله عليهم ..الحين تاخرت السفره الى يوم الخميس (بكره)يعني كلها خمس ايام وراجعين ..
    وعلى طاري الخراب .. زين الله يبشرك بالخير والله توني متحطمه .. بس خلاص من 3 ايام احس اني احسن ماعاد نزل معي بلاوي ..

    ثانياً /
    انا احط ولدي على جلاسه من الحين .. الله يستر لا يتقوس ظهيره مسكين .. بس جلاستي عباره عن مرجيحه (ارجوحه) ومن احطه عليها واشغلها .. تبدأ تأرجحه وتطلع اصوات ويهجد (يهدأ ) عليها مررررررره وارتاح منه شوي .. بصراحه رووووعه انصحكم بها هي جايتني هديه ماركتها mama love

    ( دفى شمس )
    هدية بنتك مثل هدية ولدي .. ما ارضعه واخلص منه الا وهو مهديني الهديه هذه .. انا ما يقهرني الا اني اجشأه ساعه متى يتجشأ واذا حطيته على الارض اتفاجأ فيه حايس ملابس ومستفرغ .. !!!
    مادري هذا شىء طبيعي ولا لا .. والقهر الاكبر اذا رضع من صدري استفرغه بالتقسيط .. واذا كان صناعي ياسلام .. شربه كله وتبسم ونام وانبسط لا استفراغ ولا شىء .. الله يعينا بس ..

    (Nada rose)
    اذا تحسين صدرك شوي وما يكفيه كثري سوائل ولو مويه يكفي .. واكلي برتقاله واشربي نعناع او يانسون.. على طول فيضانات بيدرها صدرك .. انا كنت مثلك ينشف والمسكين ما يشبع واذا كملته بصناعي ما توافق معه استفرغه ..





    على طاري الصناعي .. من اللي تستعمل S26 انا كنت استعمله لأنه نفس الحليب اللي المستشفى يستخدمونه بس الصيدلاني قال لي وانا رايحه اشتريه انه ما يتوافق مع حليب الام .. انتبهوا .. ومدح لي واحد انا مو مقتنعه فيه .. اسمه premium care احس انه مااااش ولا ادري ؟!!!

    يالله .. الا خ في الله نايم .. ودي انوم معه شوي .. باي باي ..
  4. @df_shms

    صاحبة الموضوع
    سنة أولى أمومة
    السلام عليكم ... هلا بنات وامهات .. أخبـــــــــــــــــــاركم؟ قهر لما كتبت ردي الاول وجيت ادخل اليوم الثاني على النت لقيت الخط مقطوع قال ايش قال ما سددتوا الفاتوره .. لا وابشركم الفاتوره طاقه الثمان ميه وزياده .. قعدت اترجى زوجي يسدده و…
    مرحبا..
    كيف الصبايا..
    شلونكم.....مع الحر..والرطوبه الي طاغيه عالجو...الله يرحمنا برحمته..
    أنا بخير..دام انتوا بخير..
    ماعندي سوالف!!!!!!!!!!!!!!!!!!!!!!!!!!!!:09:

تابعي تجارب أخرى من هذا القسم.