الله يسعدكم مثل ماساعدتوني اول مره ساعدوني الحين 😢😥😓

اخ ياقلبي
مدري شقوول تذكرون قصتي اللي من كم يوم عن ولدي والحمدالله رجع لي بفضل الله ثم مساعدتكم لما قلتو لي اصبري ..
اللي ماتعرف قصتي تفتح ملفي وتقرا القصه انا داخله من التطبيق وماعرف انسخ الرابط

المهم الحين بكره بكمل اسبوع عند اهلي. وقلبي محروق ومقهور والله من زوجي بعد ماجاب ولدي ماعبرني ولاطلب يرجعني ولا شي ولاحتى حاول يكلمني نتفاهم او حتى اذا مايبيني ماطلقني ولاجاب ورقتي

صح مبسوطه عند اهلي الحمدالله وبين ولدي وامي واخواتي الله لايحرمني منهم بس برضو احس اني ضايعه لا اللي مطلقه ولا اللي عبرني ورجعني

ماني قادره اكلمه لان ادري بطبعه اذا جيته كلمته براضيه بيلعن ابو شكلي ويكسحني وكمان زعلتي هاذا والله كانت ضروريه عشان يتربى شافني متمسكه في بيتي وماابي اروج بيت اهلي ذلني مذله لما اقوله مالك دخل هاذا بيتي يقول مو بيتك بيتي انا ويعيد ويديد اخنا مو متفاهمين مع انًو فتره طويله ماتخاصمنا وكنا مبسوطين بس اخر اسبوع قبل لااطلع طفشني ومامعه حق يزعل لان هو اللي سمعني كلام يزعل

المهم الحين شسوي مااحب كذا وضعي يطول لازم اشوف لي حل اخاف يتركني فتره طويله ولااحد اتصل من اهله ولاشي

نسيت اقولكم السنه اللي فاتت نفس الوقت هاذا زعلت وتركني قال بيربيني واتصلت عليه بعد اسبوع معصببه لان كان معه جوالي ولما زعلت جابه لي وفتحته حملت الواتس طلعت محادثاته ولقيت محادثه ينادي اسم بنت بس مافي شي واتصلت عليه معصبه قلت طلقني انا عفتك وعفت الحياه معك لانك خاين وكنت مره معصبه لما شااف كذا قال خلاص اطلق بيخوفني لما شافني جاده قال يابنت صلي ع النبي بينا ولد وجا ع البيت اخذني نتفاهم ورجعني

الحين ماني عارفه شسووي ولاابي اسوي شي استناه يجي بس مو متحرك صح ماابي اطلق واتشتت واشتت ولدي بس كمان اذا كان مايبيني شسوي برضى بالواقع والنصيب واتطلق

حاطه كل الاحتمالات في بالي عشان ماانصدم بعدين

الحمدالله محافظه ع الاستغفار والبقره والدعاء بس ماعلي صلاه حاليا اصلي وثقتي بربي كبيره الحمدالله انه بيساعدني مثل اول مرره

شسوي شورو علي 😓

لاتنسوني بدعوه بالهالوقت 😢

29 تعليق 4,683 مشاهدة

شاركي في النقاش

سجلي الدخول لإضافة تعليق.

التعليقات

28
  1. @akwas_w7dan

    الحمدلله ولدك رجعك لك
    قبل شوى افكر فيك

    الله يهديه ويحنن قلبه خلى الموضوع مع ابوك يحلونه الرجال
    وليه يقلك البيت بيته هوله حقوق وانتي لك حقوق خليه يحترمك وماله داعي يذلك
    ان شاء الله البنات يفيدونك
  2. @dmaa_ghla_12

    مااعرف قصتك بالضبط بس انتي ادرى بطبع زوجك

    اهم شي لاتنسي تدعي بكل سجدة بكل اللي بخاطرك

    الله يالف بينكم يارب
  3. @nor_aayny_bnotty

    ..
    و إن ضاقت في عينيك الدنيا فلك في الإستغفار فرجا كبيرا »»

    ً استغفرالله الذي ﻵ اله الا هو الحي القيوم واتوب اليه .
  4. @um_zez771

    صاحبة الموضوع
    ąкώąs ώ7đąн
    الحمدلله ولدك رجعك لك قبل شوى افكر فيك الله يهديه ويحنن قلبه خلى الموضوع مع ابوك يحلونه الرجال وليه يقلك البيت بيته هوله حقوق وانتي لك حقوق خليه يحترمك وماله داعي يذلك ان شاء الله البنات يفيدونك
    يعني اخلي ابوي ولااحد من اخواني يتصل عليه ويكلمه يشوف حل ؟؟

تابعي تجارب أخرى من هذا القسم.