كيف أتقبل جنيني😞

السلام عليكم اخواتي 
مالكم بالطويله راح ادخل بالموضوع 
انا حامل وكنت ادعي ربي واتحرى أوقات الاجابه وأطلب منه البنت الصالحة 
وأكون على يقين تام أن مافي رحمي بنت وأكون بعد الدعاء مرتاحة نفسيا 😔😔😔
لكن المفاجأة انو عملت سونار وكان ولد وااضح تماماً 😔
طلعت وأنا متحطمة مانطقت ولا كلمة وحدة أمثل على زوجي اني مبسوطه 
لكن الواقع مو قادرة اتقبل الولد موووو قادرة وربي نفسيتي عدم وصار لي يومين ما اشتهي الاكل 
وقلت باشوف صور لبيبيات أولاد وملابس الاولاد يمكن تتحرك مشاعري لكن ابد احسهم مو حلوين 
اخاف ربي يعاقبني ويحرمني منه او اي شي بنفس الوقت احس الشي مو بيدي 😔😔😔
تعبانه نفسيتي 
مين قالوا ولد وبعدين طلعت بنت وللحين عندي يقين و أمل تكون بنت من اشوف بنوته يفزز قلبي بعكس الاولاد ما احس بأي مشاعر تجاههم وهالشي من زمان قبل ما اتزوج وربي عطاني بنوتتين الحمدلله بنفس الوقت مو قادرة احب الولد ولا اتقبله 😞😞😞😞
حتى التجهيز مو لاقيه شي حلو عشان اتحمس مو عاجبني اي شي بعكس اغراض البنوتات جميله واشتري ما احس لروحي

شورو علي شسوي عشان اصير احبه واتقبله انا خايفه عليه من مشاعري لكنها مو بيدي و الله العالم بحالي 😔
هزأوني سوو اي شي عشان احس 😔