العياده النفسيه

هذا الي ابي اوصله
يجزيك ربي جنته ويسعدك ياكريم
الحين ابي افضل دكتور/ه نفسي بالقصيم
اسمه ووعيادته
يعطيكم العافيه

حبيبتي لاتخافين مو شرط يسجلون اسمك كامل اذا طلبتي يستخدمون رموز بعدين الملف خاص مااحد يقدر يطلع عليه غير الدكتور
مركز مطمئنة الطبي ممتاز له فرع بالقصيم
الله يكون بعونك

يسعدك ربي ويطمنك مثل ماطمنتين
ويجزاك الجنه ووالديك
طيب مطمئنه مين افضل دكتور عندهم ؟
وهل هو ثقه ؟

الله يسلمك ياقلبي💗

والله شوفي كل اللي بمركز مطمئنه متمكنين انا اعرف الدكاتره اللي بالرياض بس لاتشيلين هم لانهم متدربين مع الدكتور طارق الحبيب انتي اتصلي وخذي موعد وللمعلوميه هو في عنيزه
وعندك بعد مستشفى سليمان الحبيب بعد كل اللي فيه استشاريين نفسيين وهو في بريده انتي شوفي ايش انسب لك والله يكتب لك الخير ويشرح لك صدرك وييسرلك امرك يارب❤️

حبيبتي فطوم انا اشوف ان الموضوع عادي لو عرفوا اهلك نظرة المجتمع الحمدلله تغيرت للطب النفسي بالعكس صاروا الناس يكشخون انهم يروحون دكتور نفسي
عموما حبيبتي ابدا لاتشيلين هم من حكم خبرتي وتدريبي في المستشفيات النفسيه تأكدي مليون بالميه انه مستحيل احد يعرف انك زرتي عيادة نفسيه لانه مطالبين بالسريه التامه حتى اسم المريض ينكتب بالرموز فقط في ملفه يعني اول حروف اسمه الثلاثي وبس 😘