لو اهل زوجك ماعزموك على شبكة ولدهم عادي؟؟

حمولتي انا ساكنه معهم بنفس البيت وكل شي مع بعض اللي صار انهم وقت خطبت ولدهم وامور الملكة كل شي يصير وحتى مايفتحون سيرة قدامي
اللي صار بكرى ملكة ولدهم وانا حتى ماحد جبر بخاطري وقالي تعالي مع العلم كل اخباري عندهم بحكم اني معهم بنفس البيت وناكل ونشرب مع بعض
من امس لما شفت الكل قاعد يتجهز كنت مستغربة وبالصدفة يسولفون مع بعضهم وعرفت انه بكرى الملكة وانا بينهم مثل الاطرش بالزفة
احس هالحركة حزت بخاطري جدا
هل انا ابالغ وحساسة؟او فعلا معذورة لو تضايقت من تصرفهم؟

53 تعليق 22,463 مشاهدة

شاركي في النقاش

سجلي الدخول لإضافة تعليق.

التعليقات

50
  1. @akht_alaafryt

    يمكنهم يعتبرونك وحده منهم وماتجتاجين عزومه بحسب وجهة نظرهم

    لكن يابنتي بما انك عايشه معهم بنفس البيت لازم تشاركينهم في الكلام وتقوليلهم مبروك

    يصير هم بعد يشاركونك الكلام ويبادلونك الاخبار

    يابنتي الوحده فينا لا تزوجت وعاشت مع اهل زوجها لازم تكون دبلوماسيه وذكيه وتحاول تكون معهم

    في الافراح والاحزان وتشاركهم في كل شي

    اعتبري نفسك بنتهم وشاركيهم فالكلام حلى يبادلونك نفس الشعور

    لاتزعلين ياعوينتي والتمسي لهم الاعذار حتى تكبرين في نظرهم ويحترمونك
  2. @krfh_maa_altfah

    انا رايي من راي اخت العفريت
    وبعدين زوجك وينه اكيد هم معتمدين عليه يبلغك بكل شي
    عشان كذا يتعاملون معك عادي كأنك عارفه كل شي عنهم
    فأنتي باركيلهم وانتي ساكنه معهم يعني مثل بنتهم
    وهم مثل اهلك والوحده اذا كانت ببيت اهلها محد يعزمها
    والله يسعد ويهنيك بحياتك يارب
  3. @um_joud

    مانسيء الظن فيهم ولا فيك
    بس يمكن على بالهم عندك خبر
    وانت قلبك ابيض وبالفعل ماتدخلي في امورهم ومطنشة اي تفاصيل فمانتبهتي انهم خاطبين
    بالنسبة للعزيمة عادة الملكة او الشبكةً تصير في بيت اهل العروسة وهم الي يعزمو اهل العريس ويحددو مرات عدد المعازيم حسب قاعتهم
    فيمكن ماحبو يدخلو عليهم بعدد كبير من الحريم واكتفو بالاخوات والكبار من الخالات والعمات

تابعي تجارب أخرى من هذا القسم.