بخصوص صك الاعالة لوزارة الاسكان / لم يغلق للفائدة

السلام عليكم ورحمة وبركاتة
الموضوع هذا للفايدة ولاني تعبت وانا ابحث قبل اخلص من موضوع صك الاعالة
والحمدلله طبعا اول شي رحت الاسكان عشان يعطوني خطاب لمحكمة
وقالو خلاص ما يحتاج روحي مباشرة يطلعون لك
واتصل عليهم على رقمهم 920002431 لتاكيد بدال ما اضيع مشواري ع الفاضي
وقالت لي الموظفة نفس الكلام مايحتاج مباشرة روحي للمحكمة
لان وزارة الاسكان كلمتهم يطلعون الصك مباشرة بدون خطابات


المطلوب
1_حجز موعد
2_ 4اشخاص2 شهود 2 مزكين لشهود
3 _كرت العايلة بطاقة احوال مجدده




تفاصيل
1_ في موقعهم كاتبين انهم الغو الحجوزات ولما رحت عندهم
قالو لازم تجيبو حجز وقال لنا برا فية مكاتب تسوي حجوزرات
ورحنا للمكتب ومعانا بطاقة احوال الشهود والمزكين وعملنا الحجز ب50 ريال

2_ لازم يكون معاك 4 اشخاص وعادي لو ابوك
شاهد او اخوك لان زمان ما كانو يقبلو بس الحين عادي

3_ كرت العايلة وبطاقة الاحوال لازم تكون معاك والشهود بعد لازم بطايقهم
انا اخذت كل الاوراق الرسمية مثل شهاة وفاة زوجي وحصر الارث
واثبات الحياة وصك الولاية طبعا عندي من زمان واخذتها عشان لو طلبوها تكون موجودة وما اتعقد


------------
الحمدلله خلصت واستلمت الصك وحبيت افيد اي احد يبحث
عن موضوع صك الاعالة
واستخراج صك الاعالة للفايدة

دعواتكم لزوجي ولجميع المسلمين بالرجمة والمغفرة

وصل الله وسلم على سيدنا محمد



23 تعليق 11,326 مشاهدة

شاركي في النقاش

سجلي الدخول لإضافة تعليق.

التعليقات

23
  1. @hbr_alaayoooon

    الله يجزاتس خير ي اختي
    اللي فهمته ان الارمله لازم يكون عندها صك الاعاله عشان تقدم ع الاسكان

    طيب وشهو هالصك؟ وش محتواه ؟
    ف ارمله قريبه لي وودي افيدها

    اللهم اغفر للمسلمين والمسلمات الاحياء منهم والاموات 

تابعي تجارب أخرى من هذا القسم.