اتصلت على حافز لانهم خصوا علي وانا اسبوعياً ادخل

السلام عليكم


بنات انا بديت استلم حافز بتاريخ 5-7


وكل اسبوع احدث لنفسي واحل التدريبات ونفس الشي لاختي


من كم يوم صارو يرسلون رساله مكتوب فيها


( سيتم تخفيض مخصص برنامج حافز صعوبة الحصول على عمل للمستفيد المنتهية هويته (....) بمقدار 125 ريال
ابتداء من (05-12-1435) نظراً لعدم تسجيل الدخول لموقع حافز كل 7 ايام)


الزبده ان البارح يوم حدثت وحليت التدريبات رحت عند حالات دفع المخصص المالي لقيت انه بتاريخ 5-12 راح ينزلي


1125 فقط لاغير !!!!


كلنا عارفين ان نظام حافز صعوبة البحث عن عمل اننا نستلم 1500 لمدة 4 شهور


بعدين 1250 لمدة 4 شهور


واخر 4 شهور نستلم 1000 ريال فقط




يعني المفروض ينزلي بتاريخ 5-12 ( 1250 ) مو ( 1125 )


رحت عند تفاصيل المخالفات ولقيت انهم خاصمين 125 ومكتوب (عدم اتمام الدخول الدوري) وحالة المخالفه (منفذه)


وانا والله العظيم كل اسبوع احدث واحل التدريبات




اتصلت قبل شوي على الموظفه استفسر


قالت لي انتي وصلتك رسالتنا اللي وصلت للغالبيه انهم بيخصمون لعدم دخلوك حافز لمدة 7 ايام


قلت ايه جتني وخصمتم 125 ريال


قالت لي اذا نزلك حافز مخصوم وانتي كل اسبوع تحدثين وتحلين التدريبات ارجعي اتصلي علينا عشان نرفع لك شكوى ؟




في احد منكم خصمو عليها بدون وجه حق وهي تحدث واتصلت عليهم ؟


اللي دقت على حافز ياليت تقولي قالولها نفس الكلام ولا لا


عشان اذا ماقالوكم نفس الكلام ارجع واتصل

17 تعليق 17,882 مشاهدة

شاركي في النقاش

سجلي الدخول لإضافة تعليق.

التعليقات

17
  1. @ghror_24

    حرراميه وللله يخصمو على كيفهم صحبتي ابوها مسجل بالضمان طيب
    والثلاث شهور اولى خصمو منها 860 والشهر الرابع ماخصمو منها شي نزل لها كامل
    والشهر هذا خصمو منها 950 شوفي كم بقي لها 300 وش تسوي 300
  2. @ampabcamp

    غرورة
    حرراميه وللله يخصمو على كيفهم صحبتي ابوها مسجل بالضمان طيب والثلاث شهور اولى خصمو منها 860 والشهر الرابع ماخصمو منها شي نزل لها كامل والشهر هذا خصمو منها 950 شوفي كم بقي لها 300 وش تسوي 300
    انت المفروض تنزل لك 1250 نقصي حقت الخصم 125 صارت 1125
    المفروض من الان كل مادخلتي صوري صفحتك مكنوب تاريخ اخر دخول اذا صار خصم ارفعي عليهم قضيه معك اقوى دليل
  3. @fy2001

    انا اول مرة ينزل لي في شهر 11 وعندي انذار بس مهو منفذ وخاصمين مني 9 ريال حسبي الله فيهم

تابعي تجارب أخرى من هذا القسم.