₪ ₪ تجمع "الحوامل والأمهات" بعد إجرائهن عملية أطفال الأنابيب "التجمع 19" ₪ ₪

امنيه في الخاطر الف مبروك

أهلين منى الله إبارك فيك حبيبتي وإخلي ليك ولدك يارب وتجيبي ليه اخوان قادر يا كريم

بنات انا امس مسويه عمليه سحب  ومبيضي اليمين. يعورني مرة وبطني منتفخ انا ترا فيني تكيس واخذ كلوفاج تكفون ردو علي لاتسفهموني ممكن يكون كيس على المبيض ولا فرط تنشيط  

حبيبتي ورديه الالم طبيعي كثري سوائل وامشي وتحركي يخف الالم

ام لولوه صارلي نفس اللي فيك انتفاخ بالبطن وضيق بالتنفس ومن شدة حالتي حللت باليوم التاسع من الترجيع وكانت النسبة 41 كلمت عديله قالت انتظري واشربي سوائل اقلها ما اقدر اشرب ولا اكل. تقولي عادي وانتظرت لليوم 12 من الترجيع واروحلهم عالمستشفى الدكتور شافني بعد ماعملولي تحليل الحمل وتحليل الاملاح يشوفوا حالتي من اي درجه وبعد ساعه شافني الدكتور وقال مبروك النسبه ممتازه وتتحملي ما نسحبلك سوائل لازم تصبري واعطاني علاج للاستفراغ ومسكن السولبدين اللي صرفوا ليه يوم السحب ورجعت بيتي قلت اصبر وتخيلي شهر شعبان كله وانا منتفخه وعالمسكنات ونصحني الدكتور بشوربة الماجي الجاهزه والشعيريه شهر كامل هي اكلي وشربي لانه نسبة الاملاح فيها عاليه والحمدلله خفت السوئل واختفت بعد شهر وهذي قصتي حتى تستفيدي ،،،،،الله يشفيك ويثبت حملك يارب