شوروا علي اتزوجه والا لا ؟
متابعة النقاش، صفحة 4
شاركي في النقاش
سجلي الدخول لإضافة تعليق.
التعليقات
48- صراحه التدخين ممكن يتركه مستقبلا واكيد يدخن خفيف طالما ورا اهله ومن ناحيه العصبيه زوجي لما سالنا عنه الكل قال عصبي لدرجه فكرت اغير رايه وارفضه بس الحمدلله الزوج مهما كان عصبي مع زوجته يختلف الوضع حتي لو عصب مو ذاك الزود الي يخليك تخافين منه او يهدم حياتكم وانتي جامعيه وفاهمه وعاقله واكيد عندك الف طريقه للتفاهم معاه في حال عصب فمن رايي توكلي علي الله
- الله يرضى عليكم ويسعدكم ياااااارب
بصراحه انا بالبدايه ماكان هامني التدخين لان خوالي كلهم يدخنون ومافي احسن منهم مع حريمهم ماشاء الله ، وقلت مع الوقت يتركه
بس مع كلام خواتي انو ممكن يتنرفزز حيل ويعصب بسبته لو تركه دقايق ومراح يهدا لين يدخن وانو لو فكرت اروح اي مكان بيتعذر بالدخان ومن هالكلام
اللي ابيه انناا اعرف تجاربكم اللي ازواجهم يدخنون عانو من هالمشكله والا ، واللي زوجها بالعسكريه فعلا هم عصبببين مثل مايقولون ؟ - اتركي التدخين والوظيفة على جنب
واتركي طيبة أهله وتدينهم
واسألوا أكثر عن دينه وأخلاقه (هو)
وابدا لا تاخذين على مدح أهله اعتبري نفسك ما سمعتي شي
اسألوا عنه أصحابه وزملاءه وأقاربه وإمام مسجدهم
سووا تحري مضبوط
واستخيري - الله يكتب لك الخيير
- احس من الظلم نعطيك راينا
احنا مانعرف عنه الا سطور انتي كتبتيها
يمكن في لحظة رضا وموده للشخص حطيتي اشياء انها مميزات
وتغاضيتي عن سلبيات خطيرة
ويمكن تقللي من سلبياته
ويمكن كلامك صح والرجل ما ينعوض
لكن الزواج امر خطير و شيء عظيم
فاشوف انك تسالي عنه اكثر واكثر
من اشخاص يعرفونه تمام المعرفه
وتتركين تويتر لانه"ممكن " ما يكتب الا اللي يلمع صورته
والعيوب ما تطلع الا للناس اللي عايشه معه
المنتدى ابدا ما كان وسيلة طلب راي
الا اذا كان بشكل عام
مثلا تسالي هل الفقر سبب في فشل الزواج ؟
لكن سؤال خاص
هل اتزوج الشخص الفلاني ؟
اشوف ان العضوات ما يعرفون الشخص تمام المعرفه
والله يكتب لك الخير
مواضيع مشابهة
تابعي تجارب أخرى من هذا القسم.