في الزبداني كنا كل يوم نجرب مطعم من مطاعم بلودان ((بلودان بالطبع قريبه من الزبداني يعني ربع ساعه توصلينها او اقل وكلما توغلتي في بلودان ترتفعين عن سطح البحر اكثر واكثر يعني عاليه واااااااااايد ومطاعمها يمدحونها اما مطاعم الزبداني فمب لين هناك ))
مره سرنا مطعم ((نزيـــه )) حلللو واهل المطعم محترمين جدا ومعاملتهم راقيه وأكلهم فنان
ومره سرنا مطعم (( جدودنا )) يقع في اعلى قمه جبليه في بلودان وهو حلللو
بس ما عجبتني معاملتهم ولو شو ما عطيتيهم من فلوس (اذا ما عندج فكه )
مايردولج الباقي يعتبرونها اكراميه :22:
ومره سرنا مطعم ((جنة بلودان )) بصراحه هذا اكثر مطعم عيبني في بلودان النوافير بكل مكان والشلالات ومنطقة الألعاب حلللوه وموقعه يجنن يخليج وانتي تاكلين تتأملين المنظر العجيب اللي يطل عليه للاسف ما صورت زين لانه مزدحم بالناس والكل يطالعني يوم اطلع الكاميرا:( :(
وهذي لقطه من المقبلات في مطعم جنة بلودان (الكبه في مطاعم سوريا ما عجبتني وااايد كبيره ويابسه )
وبعد الأكل المطاعم هناك لازم اتقدم ضيافه سلة فواكه وصينية رقي بارد وطعمه عسل
وعند كل مطعم بتحصلين منطقة ألعاب يستانسون فيها العيال
