هل اصبر حتا انجلط او اطلق

عفوا بس وش الله حادك تصبرين علي هالوضع شوفي لا تقولين خرابيط الحريم اصبري ويتعدل ويتغير ومدري وشو ماعليك من كلام الناس المثل يقولك القطو الكبير مايتربى ياشيخه عيشي حياتك مرتاحه وش لك وللشقا والهم ولا تقولين عيالي الي خلقهم ماينساهم وياما ناس تطلقو وعندهم عشره عيال ولا جاهم شي كذا ولا كذا بيعيشون اذا ربي كاتب لهم عيشه عموما الصبر له حدود بس نفسك اهم

من قالك إن العسكري شخص جاف وقاسي وما عنده أي…...
لا تعممي ياقلبي أصابع يدك ماهي سوا..

انا كنت اقرا ردودك والله احسبك متطلقه كم مره افهم من ردك انك مطلقه ومرتاحه
عموما انت ذكرتي صفات فيه وبعدين ناقضتي وكتبتي ضدها مثال عياله يكرهونه وبعدين كتبتي يحب عياله وحنون وذكرتي منافق وبعدها قلتي يصلي كل الفروض فالمسجد
على شان ترتاحين لاتقارنين حياتك باي احد لو كنت تعرفين وحده من صحباتك زوجها مدللها ابعدي عنها لان نفسيتك تتعب وقارني حياتك باللي زوجها يضربها ويهينها او اللي مايصلي ومايخلف الله او اللي يخونها ويدخل حريم في بيتها او اللي مقصر عليهم وحارمهم وفالاخير يروح نهاية السنه يسافر ويبسط نفسه وهي كارفها ومايسمعها الا كلمة ماعندي ماعندي او اللي يحشش ويسكر وبلاوي الدنيا يهببها
والله الدنيا ماتجي على كيف الواحد والحياه تنازلات دام عندك عيال وزوجك بشكل عام مش سيء حاولي تكسبينه باللين واللطافه والكلمه الطيبه والدعاوي له وهو داخل وهو طالع قدريه واحترميه حبي حياتك معاه وشوفي كيف بتقولين سبحان مغير الاحوال ماعليك من اللي يقولون لاتتنازلين له او انت تشوفين نفسك عليه ترى هذا خطأ كبير اذا ضايقك ارسلي له في لحظتها يا ابو فلان انت ضايقتني واذا انت راضيه عليه اي مضمون رساله حتى لو مقاضي للبيت وطلبات ضمنيها بكلمة حبي او حبيبي جيب معاك.....
حبه حبه بتتغير حياتك ارضي فيه من جواتك مش تقولين انا مضطره اصبر عشان عيالي عيالك يالحب بيكبرون وبيرحون يقابلون حياتهم وانت اللي بتندمين اشد الندم دام زوجك مش سيء اصبري واحمدي الله واشكريه
تقبلي مروري والله يسعدك ويسخرلك زوجك وذريتك

كل الي قالن لتس تطلقي لو هن مكانتس صبرن لاتصيرين خبله واطيعينهن

بزعمك بتعيشين عند اهلك مرتاحة ؟؟ بتبقين مكسوره وهو يطق وحدة ولاهمتية

الي صبرتس سنين يصبرتس لين يكبرون عيالتس ويعوضونتس


ورجاء لبعض العضوات الي ماعندهن غير تطلقي لاتقيسين حياتس على حياتها

دايم يقول انه يحبك ومايتحمل غيابك اذن هذي نقطة ضعفه اشتغلي عليها
هدديه بالطلاق لو ماتعدل
قولي انا ما اتحمل اعيش هالعيشه حياتي وبعيشها مره وحده وانت منكد علي وعلى عيالي لمي اغراضك طلعي كل الي بقلبك قولي انا بشر مو جدار المتوقع بعد هذا كله يجلس يترجاك ويصير ادمي ويتعدل امممممم اخاف تسوينها وبيطلق من جد بس حزنت على وضعك الواحد مايقدر يتعايش مع انسان غير سوي بالوظيفه او اذا كان جار كيف لو شريك حياة صعبه هذي