مرححبا يا نفوسسات
انا والده لي عشر اياااام من اولها زهقت من الادوية 😁
مع اني برنامجي خفيف يعتبر يعني الفطور حليب معه ماش و فلفل ابيض و مصابيب او خبز بالفرن طبعا كلهن طحين بر و شوي سمن و عسل
والغدا مرق لحم معه حبوب ماش و حلبه و فلفل ابيض كمان و سلطه و كوب لبن
وعلى العشااء اما مرقوق او تشريبة او قرصان و احيانا شي خفيف مكرونه او ايدام خضار بالدجاج
و طبعا غير الوجبات مسوية قشر قهوه مع نونخه و قرفه و زنجبيل
و شاي اعشاب كمون و يانسون و شوي حلبة احط منها فنجان قهوه في ترمس و اصب عليه مويا حار واخليه شوي و كل شوي اصب بكوب و اشرب
و تمر معجون بسمسم و رشاد مررره حلووه للامساك و مدره للبول كل ما حسيت بجوع اكلت منها شوي
بس طبعا الحلبه بوقفها لان عشر ايام كافية بخلي قشر القهوه و شاي الاعشاب بدون حلبة. ..
واحيانا احط مره فنجان وو اصب عليه قهوه و اشربه
وبالنسبة للخياطة صرفت لي الدكتوره غسول اسمه ترملي يجنن و منعش اغسل منه الصباح اول ما اصحى اهم شي و انشف واحط مرات ميبو و مرات فاسودين
بالاضافه اذا حسيت بالم احط كريم ريالوكين مسكن و معقم بنفس الوقت
ومرات اجلس اهوي المنطقة اجلس شوي بدون فووطه بس احس قطعه شاش لان اهم شي تهوين الجرح مو زين الكتمه
و بالنسبة للتنشيف نصيحه لا تنشفون بمناديل لانه يفتفت و يبقى على الجرح وانتي مو عارفه و يلتهب افضل شي نشفى بشاش تحصلينه بالصيدليه مقصص مربعات جاهز اسمه شاش تنشيف مره حلووو
ولا تهملين الحبوب المضاد اللي يصرفونها لك اول ب اول خوذيهااا
وبالنسبة للخلطات ما بديت الا احط زبده الشيا الاصلية حصلتها بالصيدليه ب ١٢٠ ريال ادهن فيها جسمي بعد الاستحمام و اتركها وحلوه حتى للشعر
اتمنى اكون افدتكم ببعض مما عندي ومابي الا دعواتكم ..
التجمع الرابع للنفساء ~~الحمدلله الذي بنعمته تتم الصالحات~~
متابعة النقاش، صفحة 76