☆ ¸.•'¸.☀• ☆ كشكول ..قروب كنت فأصبحت (أفكار_مقترحات_مناقشات)☆ ¸.•'¸.☀• ☆

بنات أنا شريت كتاب جدا طورني بفضل الله بالانجليزي من ناحية الكلمات اللي هو قاموس اكسفور المصور شريتهمن مكتبة جرير سعره تقريبا 59 ريال راح تلقونه لونه اسود مكتوب عليه OPD أو تقولون للي يبيع ابي اوكسفورد بيكتشر ديكشنري وهو راح يعطيكم اياه جدا رائع ومفيد

حلوة الفكرة بس لازم مانعتمد على الكتب بس اللي يبي يطور لغته لازم يجرب أكثر من طريقة مثل المقاطع الصوتية والمرئية الاختبارات المناقشات الاطلاع على القواعد كل شيء يتعلق بهذه اللغة

بنات اعطوني خبر علشان اذا ماتبون ابي انظم لدورة تدريبية صح انهم قد مشوا كثير بس ان شاء الله الحقهم
ردوا خبر ضروري
يعني معقوله مافي احد من التجمع موجود احنا فوق خمسين عضوه وينكم

سلام عليكم ورحمة الله وبركاته
وينكم بنات وينكم مختفين

بنات وش رايكم نبدأ من جديد
ماحد بالدنيا ينجح من اول مره ولازم يكون هناك عثرات في طريقنا للنجاح ها وش رايكم
انا ودي نبدأ من جديد مع بداية هذه السنه
واذا في واحدة تبي تغير من جدولها
انا اشوف على حسب التجربة مع الجدول اشوف ان في أشياء كثيرة لازم تتغير وكل واحدة وحسب تجربتها ووجهه نظرها انا اشوف انحنا حطينا على أنفسنا أشياء كثيرة وتوهقنا
مافي شيء بهالدنيا يمشي مثل مانبي ولاهو شيء محرج انحنا نفشل في تحقيق احلامنا ولكن المحرج انحنا نستمر في هذا الشيء واحنا عارفين انو في شيء مو صح في نظام حياتنا بأكملها

انا مااقول لكم اني اكلمت كل اهدافي ولكن تغيرت كثيرا وفي أشياء صار فيها تحسن وفي أشياء عرفت اني غلطت بطريقة تنظيمي لها
وش رايكم نبدأ من جديد مع بداية سنة جديدة وأحلام جديدة وقلب يملأه أمل بأن الغد سيكون أفضل بأذن الله تعالى
وان شاء الله بتكون هناك أفكار جديدة ومقترحات جيدة