هلا حياتي ....ولدي لما سوى اشعة الرنيين يقول الدكتور ان نتيجة الاشعه الحمد لله ان الطفل سليم مافي اي شي ومايحتاج اشعة الصبغه..
الشي الوحيد الي طلع معاه تضخم في العقد اللمفاويه وقال هذي عايديه مع الايام بتخف وعطانا مضاد..
بس احنا طلبنا تحويل للرياض والمستشفى ارسل تقرير للرياض وباقي ننتظر الخبر..
وصورة الرضاعة ارسلت الرابط فوق وهي معروفه هي رضاعة الاكل الي بالملعقه فيه صور رضاعات كثير في الرابط الرضاعه الي اقصدها لونها اصفر وعليها ملعقعه وجنبها مصاصه حقت المويه انا اسوي الحليب فيها وازود عليه ملعقه سيريلاك عشان يثقل الحليب شوي انا كنت في البدايه استخدم هذي الرضاعه بالملعقه ...ومره قمت اجرب المصاصه حقت المويه فلقيتها اسهل بكثييير من الملعقه ماشاءالله ..لاقوة الابالله ريحتني مررره..لان الرضاعه بتكون من بلاستيك فإنتي بتضغطي على الرضاعه والحليب بيندفع لفم الطفل ..طبعا لان مصاصة المويه مفتوحه فتحه صغيره زي فتحة البرواز حق العلاج
بس ترى بعض الرضاعات ماتكون مصاصة المويه فتحتها كبيره يعني ماينزل منها الحليب فجيبي سكين وسخني طرفها على النار وافتحي في راس المصاصه فتحه يقدر يطلع منها الحليب
وكذلك بعض الرضاعات ماتجي معها. مصاصة حقت المويه ...
بس تلقينها في الصيدليه تنباع لحالها او احيانا تجي مع اكواب المويه والعصير حقت الاطفال
واذا طفلك من النوع الي يرجع دايما فقسمي الرضعه مرتين اوثلاث مرات
يعني شربيه مثلا ربع الكميه وخليه يتجشئ وخليه خمس دقايق اوعشر وكملي له الباقي ..صح تعب عليك بس معليه ولا طفلك يهلك من الجوع
دايما احمد ربي اني لقيت طريقه اشرب فيها ولدي الحليب..لان ولدي الي قبله نفسه ماعاد رضع بس ماكنت عارفه ايش اسوي له كان دايما يبكي من كثر الجوع ومايعرف ينام ..والاكل اذا عطيته على طول يرجعه.. الحمدلله على كل حال والله يكتب اجرنا ان شاءالله
معليييش طولت عليك بس ان شاءالله تكوني فهمتيني...وان شاءالله غيرك بعد يستفيد للي أطفالهم رافضيين الرضاعه
اشعه الصبغه للمرئ لرضيع بالشهر الثامن تقريباً لعدم الرضاعه وضعف بالوزن
متابعة النقاش، صفحة 3