قاربت على الجنون والسبب زوجي

الله يكون في عونك


طالما زوجه ثانيه فهذا شي صعب كان اقلها بيت بعيد عنهم تكوني مستقله ببيتك واكلك وشربك وطلعاتك


الله يكو في عونك دام هذا طلبك تحملي العواقب واصبري لين تفرج

طيب ليه ماتناقشيه طبعا اذا شفتيه راااااااااااااايق قولي له انا ماابي اقضي مع ام فلان وديها لحالها وانا لحالي وين المشكله انت مااخذت حرمتين الا قادر توفق بينهم والعشا والغدا كل وحده كيفها ممكن انا ماابي الطبخه الفلانيه وشوفي وش يقول وطبعا تكوني متفقه مع ضرتك قولي لها خلينا نتفق علي كلامنا وتتوحد كلمتنا عشان هو يوافق لاشاف الراي من الثنتين يعني مو بس وحده وبيقول تمشي رايها ومن هالكلام وشوفي وش يقول بس اذا مارضي خلاص خلكي كذا وتحملي وش بيدك تسوينه

الله يكون بعونك

والله صعب التفاهم معاه والله كذا مره احاول اتفاهم معاه وهو رايق على طول يعصب 
ويقلب علي انا ماني طالبه منه شي غير اني احس براحه حتى في بيتي مافيه راحه وين بالقاها بحس باستقلاليه 
صدقوني الاولى عايشه بسعاده اكثر مني انا تعبت والله بان على جسمي وشكلي وانا لسى صغيره وفي بدايه عمري 
واللي تقول ابكي عشان سوق حسبي الله ربي العالم والله ماهمني السوق وان شاء الله مارحت ولا شريت انا همني حياتي بيتي اللي كل يوم اشوفه قدامي ينهدم