لو انتي بمكاني .. هل راح تعاملينهم بالمثل ؟؟؟؟

انا مثلك تماما امي مرضت والغريب قبل القريب قام بالواجب واهل زوجي وسلفاتي بعضم اتصلو علي والبعض الاخر ولاعبرني بس حتى اللي دقت واتصلت دواها عندي لانه امي كانت تجيها في بيتها وهي مافكرت حتى ترفع السماعه ع امي ووحده ثانيه سوت عمليه وامي واختي زاروها في المستشفى حتى قبل ماتطلع بيتها وهي ماكلفت نفسها ترفع السماعه علي وع امي من شده حقدها وسواد قلبها علي
مع العلم اني اشوفهم يوجبون بعض في زواج او مرض حتى لو كانت الثانيه في ديره ثانيه يسافرون ويقومون بالواجب
عن نفسي ماراح اجيهم كل وحده الان عندها مناسبه اللي بتولد واللي بنتها بتولد ماراح ازورهم لو تنطبق السما ع الارض
ولي مايسوي لنفسه قيمه لايتشره بعدين ع الناس ويقول ماقامو بواجبي

ع فكره نصيحه مني بالنسبه لاخت زوجك وسلفتك اللي جوك قامو بالواجب وزياده ودايم امدحيهم قدام الباقيين وقولي فلانه وفلانه راعيات واجب ويفهمون في الاصول وامدحي فيهم وطلعيهم السما لانهم يستاهلو
انا وحده من سلفاتي دقت علي تبغى تجيني يوم كانت امي عندي ورديتها واعتذرت لها لسبب طارئ وكلمت امي بعدين بالتلفون
وانا قلت لها قدام الباقيين انا ي فلانه اعتبرتك جيتي وقمتي بالواجب ماقصرتي الله يعطيك العافيه ويكثر من امثالك ورفعتها فوووق
وصارت ع اقل شي تقوم بالواجب معي لاني اعترفت بوقفتها معي وهذا حق الناس علينا شكرهم ع وقفتهم وبكذا تكسبيهم وتقهرين الرخوم اللي مامنهم خير

الشكر موصول لكل من رد علي 
بالنسبة للأخوات اللي يقولون سوي الخير ولا تتمنين واللي تقول انتي ما تسوين لوجه الله حبيت اقولكم اعذروني كل أعمالنا لوجه الله سبحانه 
بس اني اتشره على ناس ما فيها خير 
على ناس ماقد قصرت معاهم على ناس توجب ناس ما تسوي لها اعتبار فهذا ما اظن انه فيه شي ولا له دخل بموضوع الأعمال لوجه الله أو لا 
لا تدخلون الحابل بالنابل 
انا كلامي كان واضح ناس أوقف معاهم بالصغيره قبل الكبيرة بس بين معدنهم لي 
بخبركم شي اخواتي 
قاعده الحياه وللأسف الإنسان اللي تحترمه وتوجبه يدوسك ولا يعبرك اما الإنسان اللي ما تسوي له اهتمام ولا قدر هو هذا اللي يخليك على رأسه 

أهل زوجي امي وابوي ما عمرهم قصرو معاهم فوق هذا ما عبروهم اما اني اعرف انهم يوجبون ناس ما توجبهم فأعتقد هنا من حقي اتشره 
بالنسبة لام زوجي صح اتصلت علي بس امي ما كانت موجوده وما كلمتها أعتقد المفروض أنها تعاود الاتصال مو تسحب علي 
أخت زوجي و سلفتي صحيح جونا 5 دقايق وانا لما اقول 5 دقايق أقصد فيها 5 دقايق بلا زياده ولا نقصان لكن انا عاذرتها لانها ما عندها سيارة وما عندها أحد يوصلها اللي عندهم السيارات لا وصلوني ولا جابوها عندي 
أتمنى الصورة تكون وضحت بعيد عن المثاليات اللي يخليك على رأسه خله بعيونك واللي ما يعبرك لا تعبره
وكل أعمالنا لوجه الله بس ما اظن التشره فيه شي 
خصوصا لما تسوين الخير في ناس ما تستاهل 

يااختي ملينا وتعبنا نفهم ونعلم بلييييييز بليززززززز اللي بيسوي خير او طيب لايتوقع مقابل
انتي راعيه مواجيب وذوق اوك بس لاتفرضي او تتوقعي هالشي من الاخرين
عشان لاتتضايقي وتتعبي
اذا بتسوي شي تنتظري مقابل له لاتسويه لان الناس يختلفون في التفكير والتقدير والخ
هذولا مافيهم حتى صلة رحم يعني ماراح تأثمين اذا ماوصلتيهم
لاهم قرابتك ولا اهلك فريحي نفسك
اما اذا كنتي من اللي يرتاحوا بالتوجيب ويحسوا بالسعاده اذا قاموا بالواجب
ويفرحوا بالمدح والتميز هذا شي ثاني
نصيحه لك لاتستمدي سعادتك من ردات فعل الاخرين تجاه تصرفاتك
لاتقومي باي شي مو مطلوب منك اذا تنتظرين مقابل
احسني الظن في الاخرين ولا تنتظري عليهم الزله وتدققي بتصرفاتهم