شميت الفيكس وانا حامل

السلام عليكم
انا حامل >>>>(رجيتكم بكل موضوع انا حامل )
المهم جتني زكمه قويه وعيوني بس تدمع وحالتي حاله المهم جتني ام زوجي كبيره شوي بالسن يعني من حريم اول وانا وقتها حاضنه علبة الفيكس واشم فيها وحاطه منه ببطن رجولي ولابسه شراب من شافتني اشم بالفيكس وهي تصيح قالت انتي خبله الحامل ماتشم فيكس ولا حلتيته تفتح الرحم وانا احذف العلبه طيرتها من فوق راسها الله سلمها لاتشق جبهتها 😂
ولي ساعتين وانا متردده اروح اشيك ع الرحم مفتوح والا لا وتعرفون الوسواس عاد بدا يلعب دوره واحس بطني واسفل ظهري يوجعني ..ورجعت فرشت الفراش اللي فرشته بعد مااكلت تونه .😂😂


الحمدلله في كل حين

19 تعليق 120,788 مشاهدة

شاركي في النقاش

سجلي الدخول لإضافة تعليق.

التعليقات

18
  1. .،





    عادي شميته قبلك مو بس شميته والله كنت ادهن منه ارطب فيه خشمي لما كنت حامل
    لأن كان مره عندي احتقان في الأنف .. لا تخافين ووكلي أمرك لله





    ،
  2. @aabrosh

    والله هالخرافات بتوديكم بداهيه
    مافي ضرر من الفكس
    الله يحفظك ويحفظ جنينك من كل شر يارب
  3. @aybro_2

    ههههه والله ضحكتني بجد يا بنت الحلال الله عرفوه بالعقل انا من معي حساسيه ومن اول الحمل للان وانا اشم بها الفكس وادهن منه واشمه زي كاني مدمنه وبعدين الفكس اللي استخدمه الاندونيسي يعني اقوي شي وعادي مافيني شي
  4. صاحبة الموضوع
    ههههه الله يطمنكم من جد صرت اصدق بعض الخرابيط كله من ضحكي ع اللي يتكلمون عن الممنوعات بالنفاس وحده تقول لا تشربون مويا بالاربعين ابدا تراه اكبر خراب >>عز الله مو مخلصه الاربعين الا وانا ضب من الجفاف .😁


    الحمدلله في كل حين

تابعي تجارب أخرى من هذا القسم.