بنات عنيزه..إستفسار عن ولاده مستشفى الملك سعود أو الوفاء

مافيه ردود 

رفع
الله اكبر الله اكبر الله اكبر

مستشفى الملك سعود زفت ووسخ و مايعطون مسكنات ابد
و الدكتوره انتي و حضك فيه الزين و فيه الشين
و انا والده فيه من 10 شهور ولدتني هنديه كنت ادعي ماتولدني عصبيه مره
بس الحمد لله هذاك اليوم كانت راايقه و الخياطه تمااام ماشاء الله تبارك الله احسن من ولادتي الاولى
و بالنسبه للدكاتره كانت معي وحده ولادتها متعسره و كان يدخل عليها دكتور و يكشف عليها يمكن عشان وضعها
اممممممم الوفاء احسهم ماديين
و هالمره اتمنى اولد بالحبيب خصوصاً ان اسعارهم متقاربه
و يمدحون مستشفى الرس حكومي صاحبتي ولادتها هالشهر الله يسهل عليها ناويه تولد فيه
و الله يسهل علي و عليك و ع كل الحوامل

ام لين مشكوره ع الرد 
بس اللي اشوف ان الماديين هم الحبيب 
بالنسبه للملك سعود اتوقع مايسوون خياطه تجميليه
وخايفه زي ولادتي عندهم قبل اكثر من عشر سنوات كنت بالكشك ومن الصباح الى الليل ماجتني ولا دكتوره مع اني كنت بكريه ولا عندهم ولادات غيري كان القسم فاضي 

انا ولدت بسعود
ولادتي الثانيه

لو معي قيمة القيصري ولدت بالوفاء
لاني مجربتهم بولاداي الاولى
روووووعه عنايتهم فيني وبالبيبي
نظيف يجيني يوميا يسبحونه وريحت راسه روعه
ويلبسونه لبس حلو مو الشكل لا قصدي الخامه يعني مو لبس خفيف ويثقلون اللبس له
خياطتهم والله حلوه مو تجميليه ماطلبت هم خاطوا التوسيع اللي هم وسعوه لي

اللي تقول ماديين الوفاءلا والله مو ماديين مايسوون قيصري الا بالحاله الطارئه
شوفت عيني لوحده جايه من بريده تبي تولد قيصري
ورافضين يولدونها الا طبيعي وهي رافضه ماتبي طلوق تقول وابدفع اللي تبون
ورافضين ويجيبون لها الاخصائيه الاجتماعيه بس عنييييييده الحرمه
واسمعها تتصل على زوجها تقوله رح للمدير حاول فيه منب والده طبيعي
تجي الدكتوره واسمعها تهوووشها تقولها خافي الله وضعك كل شي ممتاز
بس انتي معوشره وتحتاجين طلق صناعي ويطلع بسرعه ماراح تتعبين
بس رفضت
جوا لمها الممرضات قالوا يالله مدام سرير عشان قبصري وفرحت ويعطونها ابره قالت ايش هذا قالوا هذا مهدئ
طلعوا معطينها طلق صناعي
وياخذونها على طول
والله العظيم ساعه وهي راجعه والده طبيعي مدخلينها بالعربيه وتقوم تروح للحمام لحالها
وتدخل عليها الدكتوره وتهزئها وتقولها هاه وش رايك متي جاك شي شوفي نفسك وشوفي النعيم اللي انتي فيه تقومين وتروحين على رجولك بدون ماحد يمسك توك طالعه من الولاده
لو حنا مسوين لك عمليه كان ماصحيتي من البنج الحين كان ماقمتي لحالك للحمام
احمدي الله وشكريه
وهذي مو اول ولاده لك ذي الخامس انا شهقت 😭
ولا ردتها الحرمه لها
قالت شوفي اللي جنبك تقصد اختي
بكرا وتبي طبيعي وطلوق معها حاره بس بنتها مايله وغصب علينا وعليها قيصري قامت من البنج تبكي تبي طبيعي
احمدي الله وشكريه شوفيها جنبك تصحى تبكي وترجع تنام من البنج

وجت لاختي نفس الدكتوره وهدئتها وقالت متخافيش الحمل التاني باذن الله طبيعي

اختي وضعها كله ممتاز وولاده طبيعيه من انس الظهر تطلق لحد اليوم الظهر وعي تطلق لحد مابدت تضعف دقاقت قلب الجنين والبنت مايله على جنب ولا نزلت بالحوض
كانت اختي كل مراجعاتها بسعود ويقولون لها بيبي بالحوض بيبي ممتاز
وجتها الولاده وراحت للوفاء
اتضح انها مو بالحوض مايله

بس
انا وخواتي واقاربي بالوفاء
بس انا ولادتي الثانيه بسعود

لانه ولدي مقعدي فقلت اجل سعود وولدت فيه

ولادتهم القيصريه
والله حلوه
لانهم رجال شغال العمليات ممتاز عندهم
بس الولاده الطبيعيه سمعت العكس

الصراحه المسكنات بالقيصري لا والله يعطوني وحتى اختي اللي مسويه قيصري بالوفاء كانت معي
وشافتني قالت لا سعود بالقيصريات ممتازين
لان اختي ماقدرت تقوم ثاني يوم قيصري ولا ثالث يوم فكانت تتعذب وتقول مايعطوني الوفاء مسكنات

انا لا قمت ثاني يوم الصبح ومشوني صحيح انه الم ماحد يتحمله بس قمت ومشيت

لكن لكن لكن

وسخيييييييين
جاني اللتهابات مهبليه فطريه
من حمامهم
انا حسيت بالحكه باديه فيني بشكل بسيط بالمستشفى قعدت انا خمس ايام بسعود
بسبب البرنجي حقهم جتني عدوى
الالتهابات الفطريه تجي عدو
حسب بس من الزوج طلع حتى من كرسي الحمام

بسبب
الله يهديهن اللي معي بالغرفه😖
ادخل بعدهن
مايسحبن السيفون
ولا يغسلون الكرسي بالشطاف بعدهن اقوم انا وعمليتي اغسل وحط صابون امسح بالمنديل واغسل الكرسي انا وعمليتي يالله يالله دخلت اجي القاه حالته لقسه الكرسي

واللي صدمن اكثر
حقت النظافه الهنديه شفتها تغيل الكرسي والمغسله بمساحة الارضيات 😭😖

ورحت لاهلي ومعي هالحكه
وتزيد بنفاسي وتزيد
وحالتي حاله
ورحت لبيتي وهي معي
ونقلته
على بالي حساسيه من فوط اللويز
ورحت لسهير وسوت لي تحاليل قالت معك الالتهابات فطرية
وقالت اكيد انتقل للزوج وعطتني مضاد لي ولزوجي
وختفى يارب لك الحمد


هذا فيني

انا بالبيبي مصيبه

ولدي خمس ايام بالمستشفى ماسبح
وساخن الولاده بشعره دم وبياض المشيمه 😖

تخيلي ماحد يحبه خمس ايام ماخد يقربه
نلبسه طواقي
مايسبحونهم
وجابوه لي ابد ابد ابد نظيف
يجيبونه لي مبلول بول طالعه مثعلى ثيابه وظهره
ويجيبونه مستفرغ حليبهم كللللللله استفراغ مو شوي الولد جنبه كله استفراغ بيج

البسه ومسحه ونظفه ولبسه حفايظ من اللي معي وملابس من عندي

تخيلي جايبينه لي اول يوم ملبسينه كتان بارد حق العمليات روب سيقانه تهوهي
ماعليه الا حفاظه والروب ذا ولافيه ببطانيتهم البيج وراسه يهوهي مكشوف

الحمدلله انه معي خواتي اول يوم قاموا يلبسونه ويغيرون له
جو وخذوه دكتور يبي يشوفه
رح وجاء مغيرين لبسه وكله لبسه اللي انا ملبسته حليبهم البيج الثقيل الدم
وملبسينه لبس زي الاول
والبطانيات اه بس
اكياس كبيره خمس ايام تروح لبيت اهلي تنظيف واكياس تجيني نظاف

اقول للممرضات لاترضعونه من حليبكم هذا مو كويس انا جايبه لهرحليب ورضعه من صدري ومن الصناعي اللي انا جايبه
ترد عليه بنفس خايسه وتقل بمنازر
لاااا هدا كويس مافيه كدا وقررررررقررررر باقي حتسي هالفلبن مافهمه

المهم اول ماطلعت من المستشفى ولدي شم ريحة المويه والسباحه والشامبو
بس والله ماراح اللي براسه وووويع خمس ايام لازق ههههههههههه شفت شعر ولدي ببيت اهلي يلمع ونظيف


لذا
عنايتهم فيك بالعمليات ممتاز
عنايتهم الشخصيه للبيبي وووووييييع

بس

والله فيه حاريم يدحونه لي قبل لاجربه

بس يوم جربته
ودي اذبحهن