مجتمعنا الفضولي *~*

كيفكم كروشات و كيف فلذات اكبادكم اللي داخل بطونكم يا رب تكونوا بخير و صحة و عافية

موضوعي عن مجتمعنا الفضولي و المتطفل و الحشري من يسمعوا بوحده حامل تبدا الحشرية غصب طيب يبغوا يعرفوا نوع الجنين اللي ببطنك من أساليبهم

- يدخلوا الجدول الصيني و يشوفوا ايش جنسه على اساس هذا الجدول نزل مع القران - استغفر الله و اتوب إليه - 😒😒

- اذا كان عندك أطفال من قبل يمسكوهم و يسألوهم إيش في بطن ماما ، ماما إيش اخذت الوان من السوق ازرق و لا وردي 😒

- يبدوا يراقبوا بطنك و جسمك و وجهك و يبدوا التخمين انتي في بطنك كذا

- اقارب الزوج دايماً يحاولوا يعرفوا منه نوع الجنين يلفوا و يدوروا لازم بالغصب بيعرفون ايش داخل هالبطيخة بنت او ولد

- بعضهم يعملون معك تحقيق و على اجوبتك يبتدوا يحللون اجوبتك و يحطوها تحت المجهر قالت كذا يعني بنت قالت كذا يعني ولد

ودي افهم ايش الحشريه هذي 😕 طيب ايش يستفيدون لما يعرفون ايش ببطنك ؟

بيساعدوك في تربيته ؟ ، بيسهرون معه بالليل ؟ ، بيدرسونه عنك ؟ ، طيب بيصرفون عليه ريال واحد ؟

طيب ليه الحشريه هذي ليه ليه 😤

يلا كل وحده تكتب قصتها مع فضوليات المجتمع

33 تعليق 4,235 مشاهدة

شاركي في النقاش

سجلي الدخول لإضافة تعليق.

التعليقات

32
  1. @om_lana1434

    عادي حبيبتي انا شايفه الوضع طبيعي .. من باب الفضول فقط لاأكثر وانا اشوف على حسب المحيط اللي عايشه فيه اذا كانوا يقولون او لا
    زيي انا بحملي ببنتي اخوات زوجي وبعض من المقربات لي قلت لهم اني حجيب بنوته لكن تفاجأت بعدي 2 من اخوات زوجي حملوا ومارضيوا يقولوا! عشان كذا انا قلت البيبي الثاني مستحيل احد يعرف نوعه مع انه الموضوع عادي عندي لكن خليني اغيضهم واعيشهم بحيره زي مارضيوها ع نفسهم المفروض مايرضونها علي هههههههه
    وبيني وبينك يوم فكرت فيها بجد حسيت عنصر المفاجأة اجمل بكثير فرحته وقت الولاده للناس عكس مايكونوا عارفين

    وفي النهايه ماتبغين تقولين ايش اللي ببطنك 😛 ههههههه
  2. @moonshdo

    بالنسبه لي عادي جدآ
    لو الناس تعرف ايش في بطني

    ما اعتبره سر ..
    و اكثر الناس اللي تحب تعرف .. ايش في بطنك هم اخواتك واخواته ..وبالاحرى الاهل
    واكيد بيفرحون
  3. @ahlam_tayha

    اختي وحبيبتي وعرفو جنس الجنين شنو فيها شراح يصير ماشوف به شيء!!!!!


    اللهم طهر أعيننا من الخيانة، وألسنتنا من الكذب، وقلوبنا من النفاق، وأعمالنا من الرياء، وأموالنا من الربا، يا رب العالمين!
  4. @fraol2004

    تخيلي وحده لدرجه تسال أمي كيف خلفتها وأهلي التسلسل هل بنات او اولاد او كيف عشان تعرف انا اللي يسألني أقول مفاجاه
  5. @baaody

    اليوم عرفه اكثرو من قول
    لا اله الاالله وحده لا شريڱ له له الملك وله الحمد وهو ع كل شئ قدير

تابعي تجارب أخرى من هذا القسم.