تصرفي مع زوجي غلط .. ولا معاي حق

زوجي فقران وحافي ومنتف ...ولما يكون معي فلوس يطلبني احيانا واعطيه واحيانا اقوله مامعي واخليها لوقت حاجتها ...

واغلب اوقاتي لما اقوله جيب لي شي او جيب لعيالك يقولي والله معليش مامعي فلوس ...

واضطر اعطيه من عندي ...
ومره كنا جالسين قالت ترى قبل فتره جيت وانتي نايمه وفتحت محفظتك ... واخذت عشره ..سكت وقلت ماعليه وانا بداخلي منقهره ...مابغاه يتعود ويفتش لاني احيانا اوفرها لوقت حاجتها وانا وحده محتاجه ماني غنيه وهو انسان يفرط ع طول ماعنده اخلي لبكره ...


وامس جاء وطلبت منه اغراض للبيت ماتكلف خمس ريال وقال والله مامعي قلت مو مشكله انا اعطيك ...
انشغلت شوي ولما جاء بيمشي جيت ابعطيه الفلوس لقيت فتح المحفظه واخذ العشره وروح واقال خلاص اخذت .. وانا كنت امشي وقفت واديته نظره ع الماشي انه الحركه ماعجبتني ...


حس وقال وش فيك كأنه متضايقه قلت معليش انا ماحب احد يفتح محفظتي هذي خصوصيات ....

زعل وقال تراها محفظه ماهي شنطه ... وانتي لو بتفتحين محفظتي وتاخذين فلوس ماني قايلك شي ومابيننا خصوصيات ..
قلت لاتقارن نفسك فيني انت رجال ولو اخذت واجبه عليك النفقه لكن انا مو واجبه علي ...


قعد يتكلم ويهاوش ويقول ماتوقعتك كذا ...قلت كمان معليش خصوصياتي مبغى احد يفتحها ...

وانا كل هدفي مايشوف فلوسي لاني اعرفه يحرجني بطلباته ...
لما احتاج مايقدر يوفر لي ..واحيانا احتاج بوقت مفاجيء وسريع ومستحيل يوفر لي

المهم زعل ورمى العشره وقال والله ماخذ منك شي ...وطلع ..
ومن بعدها اخذ موقف مني
اللي سويته غلط ولا لا ..

39 تعليق 9,654 مشاهدة

شاركي في النقاش

سجلي الدخول لإضافة تعليق.

التعليقات

36
  1. @altrfh_2

    هههههههه
    صح موقفك ما عليكي منه تأدب هههههه
    المهم اذا مثل ماتقولي فقران ومنتف لا يمنع انك تشتري مرات أغراض البيت بس موادايما عشان لايتعود
    هههههه
  2. @aayny_athkny

    والله ردت فعلك مبالغ فيها..
    ومعاه حق ينقهر ... يعني لو هي ميه ولا خمسين وش بتسوين فيه.. تبينه يحترم خصوصيتك وانتي تبين تفتحين محفظته عادي بحكم انه هو المكلف ...
    لا عزيزتي بالغتي بالمرررره ...
    ليش اتدسين افلوسك بالمحفظه حطي شي بالمحفظه وشي شيليه بالدولاب ولا مكان ثاني ... مالك عذر في تصرفك تراك احرجتيه وحسستيه انك صاحبة فضل كبير عليه .. الله يستر ومايوريك الوجه الثاني...
  3. @mhtarh900

    اختي بالغتي. والحصيله 10 ريال

    طان اختصرتي موقفك حطيتي فلوسك في مكان ثاني بشنطتك زخليتي بوكك فاضي.

    يعني اخذتي موقف وخصوصيات اخرها على عشره ريال. لو الف الفين عذرتك

    كان بامكانك تتصرفين تغيرين مكانهن. بدال هالموقف

    الله يصلح حالك
  4. @alansany_666

    أسأل الله العظيم في هذا اليوم الفضيل إن الله يرزقكم من واسع فضله ويصب الخير عليكم صبا أنتم وجميع المسلمين في كل مكان آمين 

تابعي تجارب أخرى من هذا القسم.